नेकपा एमालेका उम्मेदवार फडेराको निर्वाचन खर्च २० लाखः नेकपाका उम्मेदवार रोकायाको २६ लाख

सिमकोट
 
नेपाल कम्युनिष्ठ पार्टी एमाले हुम्लाका उम्मेदवार दल फडेराले प्रतिनिधिसभा सदस्य निर्वाचनमा भएको खर्च सार्वजनिक गर्नु भएको छ । फागुन २१ गते भएको प्रतिनिधिसभा सदस्य निर्वाचन २०८२ मा उम्मेदवारको तर्फबाट भएको खर्च विवरण सार्वजनिक गर्नु भएको हो ।

निर्वाचनका क्रममा फडेराले मतदाता नामवली खरिदमा १० हजार, सवारी साधन भाडामा ५ लाख, गोष्ठि तथा कार्यकर्ता परिचालनमा २ लाख ३४ हजार, छापा तथा विधुतीय प्रचार प्रसारमा २ लाख, कार्यालय सञ्चालनका लागि १ लाख, निर्वाचन प्रतिनिधि परिचालन ५ लाख, सामान ढुवानी ३० हजार, प्रचार छपाइ सामग्री ५ लाख र विविध खर्च १७ हजार गरि जम्मा २० लाख ९१ हजार रुपियाँ खर्च भएको विवरण सार्वजनिक गरिएको छ ।
प्रतिनिधिसभा सदस्य निर्वाचन क्षेत्र नम्बर १ रहेको हुम्ला जिल्लामा आफुले खर्च गरेको विवरण जिल्ला निर्वाचन कार्यालय हुम्लामा बुझाएको नेकपा एमालेका केन्द्रिय सदस्य एबम उम्मेदवार दल फडेराले जानकारी दिनुभयो । 

त्यस्तै नेपाली कम्युनिष्ठ पार्टी नेकपाका उम्मेदवार डाक्टर दिपेन्द्र रोकायाले पनि आफ्नो निर्वाचनमा भएको खर्च विवरण सार्वजनिक गर्नु भएको छ । उहाँले सम्र्पक कार्यालय स्थापना तथा सञ्चालनमा ७० हजार, प्रचार प्रसार सामग्री २ लाख, निर्वाचन केन्द्रित बैठकमा ९० हजार, हवाई भाडा १ लाख, वडागत प्रचार व्यवस्थापनमा १३ लाख २० हजार, स्टेशनरी ३० हजार, अभियानका क्रममा खाजा खाना ३ लाख, सवारी साधन भाडा १८ दिनको ५ लाख र मनोनयन दर्ताका लागि १० हजार गरि जम्म २६ लाख २० हजार रुपियाँ खर्च भएको उम्मेदवार डाक्टर दिपेन्द्र रोकायाले बताउनु भएको छ ।
उहाँले पनि निर्वाचनमा भएको खर्च विवरण जिल्ला निर्वाचन कार्यालय हुम्लामा बुझाउनु भएको हो ।