हुम्लाका छ वटा परिक्षा केन्द्रमा उत्तरपुस्तिका परिक्षण सुरु

सिमकोट

हुम्ला जिल्लाका छ वटा एसईई परिक्षा केन्द्रमा उत्तरपुस्तिका परिक्षण कार्य सुरु भएको छ । उत्तरपुस्तिका परिक्षण सम्वन्धि कार्यबिधि ढिलो गरि प्राप्त हुनु र बिहीबार रातीबाट हुम्लामा मोवाईल तथा इन्टरनेट सेवा अवरुद्ध भएका कारण शुक्रबार बिहानबाट मात्र उत्तरपुस्तिका परिक्षण कार्य सुरु भएको हो ।

शुक्रबार बिहानबाट जिल्लाका छ वटा एसईई परिक्षा केन्द्रमा उत्तरपुस्तिका परिक्षण कार्य सुरु भएको शिक्षा बिकास तथा समन्वय इकाईका निमित्त प्रमुख खड्क बहादुर हमालले बताउनुभयो । उत्तरपुस्तिका परिक्षण कार्य अनिवार्य अंग्रेजी बिषयको सुरु भएको उहाँले बताउनुभयो ।

उत्तरपुस्तिका परिक्षा सुरु भएका एसईई परिक्षा केन्द्रहरुमा हिमज्योती मावि सर्केगाड, सीता मावि छिप्रा, मानसरोवर मावि सिमकोट, बालमन्दिर मावि सिमकोट, कोट मावि रोडिकोट र सुर्योदय मावि केन्द्र श्रीनगर रहेका छन् ।

अब ताँजाकोट गाउँपालिकाको मदानादेव मावि परिक्षा केन्द्रमा मात्र सो कार्य सुरु हुन सकेको छैन । सो केन्द्रमा विषय बिज्ञ शिक्षक बाहिर रहेको तर आएदै गरेकोले अब चाँडै परिक्षण कार्य सुरु हुने भएको छ । उत्तरपुस्तिका परिक्षणका लागि गोप्य कोठा र सुरक्षा ब्यवस्था कडा गरिएको छ ।