जिल्ला अस्पताल हुम्लाले आईतबार ओपिडि सेवा सञ्चालन नगर्ने, अस्पताल आएका बिरामीलाई इमरजेन्सी वाडमा उपचार गर्ने

सिमकोट 
जिल्ला अस्पताल हुम्लाले भोली आईतबार ओपिडि सेवा सञ्चालन नगर्ने भएको छ । तर जिल्ला अस्पतालमा चेकजाँचका लागी आएका बिरामीलाई इमरजेन्सी वाडमा उपचार गरिने भएको स्वास्थ्य सेवा कार्यालय हुम्लाका प्रमुख डा उमाकान्त तिवारीले बताउनु भएको छ ।

मन्त्रिपरिषद्को निर्णयअनुसार गत चैत २२ गते राजपत्रमा प्रकाशित सूचना बमोजिम शनिबार र आइतबार लगातार दुई दिन सार्वजनिक बिदा दिने निर्णय गरेको छ  । सरकारले सातामा दुई दिन सार्वजनिक बिदा दिने निर्णय गरे पनि स्वास्थ्य सेवालाई निरन्तरता दिन आइतबार समेत अस्पतालका बहिरङ्ग (ओपीडी) सेवा सञ्चालन गर्न निर्देशन दिएको छ ।

सार्वजनिक बिदाको दिनमा पनि स्वास्थ संस्था खुला गराउने स्वास्थ्य मन्त्रालयको निर्णय प्रति आफु असन्तुस्ट भएको प्रमुख डाक्टर तिवारीको भनाई रहेको छ । नयाँ बनेको नेपाल सरकारले खिचडी बनाए जस्तै काम गरेको उहाँले बताउनु भएको छ । आईतबार सार्वजनिक बिदाको दिनमा पनि स्वास्थ्य संस्थाको ओपिडि सेवा सञ्चालन गर्ने निर्णयप्रति चिकित्सकले बिरोद समेत गर्न सकिने चेतावनी डाक्टर तिवारीले दिनुभएको छ ।