लागु औषध नियन्त्रणका लागी विद्यार्थीलाई सचेतना कक्षा सञ्चालन

सिमकोट 
जिल्ला प्रशासन कार्यालय हुम्लाले विद्यार्थीहरुसंग लागु औषध नियन्त्रणका लागि जनचेतना मुलक अभियान संचालन गरेको छ ।  सदरमुकाम सिमकोटमा रहेको बालमन्दिर परिक्षा केन्द्रमा एसइइ परिक्षा दिएका  विद्यार्थीहरुलाई लागु औषध सेवनका कारण पर्ने असर र लागु औषधले हुने हानी नोक्सानी र कुलतबाट बच्ने उपायका साथै कानुनी उपचारका विषयमा सहजीकरण  गरिएको सहायक प्रमुख जिल्ला अधिकारी राजेन्द्र चन्दले जानकारी दिनुभएको छ ।

बिधालयमा पढ्ने १८ देखि २० वर्षका बालबालिकाहरु लागु औषध प्रयोग गर्ने र कुलतमा फस्ने गरेकाले कुलतबाट बच्नका लागि यस्ता औषधीहरुबाट टाढा रहन विद्यार्थीहरुलाई प्रशिक्षण गरिएको हो  । 
बिधालयमा पढ्ने बालबालिकाहरु लागु औषधको कुुलतमा लागेकाले यस्ता कार्यमा सचेत रहनु पर्नेमा  लागु औषध नियन्त्रणका बारेमा कक्षा सञ्चालन गरेको प्रहरी नायव उपरिक्षक शंकर खड्काले बताउनु भएको छ ।
लागु औषध सचेतना कार्यक्रममा प्रहरी नायव उपरिक्षक खड्का र शिक्षा विकास तथा समन्वय इकाईका निमित्त प्रमुख खड्क बहादुर हमालले सहजीकरण गर्नुभएको थियो । 

लागु औषध प्रयोग तथा ओसार पसारमा लागेको कानुनी दायरामा ल्याएर सजाय भोग्नुपर्ने र यस्ता कार्यमा सबैलाई सचेतना फैलाउन आग्रह समेत गरेका छन् । 
सहायक प्रमुख जिल्ला अधिकारी चन्दको अध्यक्षतामा कार्यक्रम संचालन भएको थियो ।
उक्त कार्यक्रममा सिमकोट गाउँपालिकाका अध्यक्ष विजय भण्डारी, सहायक प्रमुख जिल्ला अधिकारी चन्द, प्रहरी नायव उपरिक्षक खड्का, सुरक्षाकर्मी सञ्चारकर्मी र विद्यार्थीको सहभागिता रहेको थियो ।