नेभिगेशन
समाज

साउने पूर्णिमाको अवसरमा सिमकोट बजार सरसफाइ अभियान सञ्चालन

सिमकोट ।    सिमकोट गाउँपालिकाको आयोजनामा साउने पूर्णिमाको अवसर पारेर हुम्लाको सदरमुकाम सिमकोट बजार सहित तल्लो गाउँ र माथिल्लो गाउँमा शनिबार बिहान सरसफाइ अभियान सञ्चालन गरिएको छ । सिमकोटलाई स्वच्छ, सफा र आकर्षक बनाउने उद्देश्यले स्थानीय तह, सुरक्षा निकाय, उद्योग वाणिज्य संघ, राजनीतिक दल, युवा क्लब, व्यवसायी, नागरिक समाज, सञ्चारकर्मी तथा स्थानीय नागरिकको सहभागितामा सरसफाइ गरिएको हो ।

माथिल्लो गाउँमा सिमकोट गाउँपालिकाका अध्यक्ष विजय भण्डारीको नेतृत्वमा नेपाली सेना, स्थानीय नागरिक लगायतको सहभागितामा सरसफाइ गरिएको थियो । यस्तै, तल्लो गाउँमा गाउँपालिकाकी उपाध्यक्ष शुशिला भाम रोकायाको नेतृत्वमा नेपाल प्रहरी, युवा क्लब तथा स्थानीय नागरिक सहभागी भएका थिए ।

सिमकोट बजार क्षेत्रमा भने उद्योग वाणिज्य संघका अध्यक्ष रामबहादुर भण्डारीको नेतृत्वमा सरसफाइ अभियान सञ्चालन गरिएको थियो । उक्त सरसफाई अभियानमा प्रमुख जिल्ला अधिकारी भोलानाथ गुरागाईं, सशस्त्र प्रहरी, राष्ट्रिय अनुसन्धान कार्यालयका प्रमुख मेधराज कँडेल, राजनीतिक दलका प्रतिनिधि, होटल व्यवसायी, नागरिक समाज तथा सञ्चारकर्मीको सहभागिता रहेको थियो ।

सरसफाइ कार्यक्रममा सहभागीहरूले एक दिन मात्रै सरसफाइ गरेर सिमकोटलाई स्वच्छ बनाउन नसकिने भन्दै नियमित रूपमा आफ्नो घर, टोल र आसपासको क्षेत्र सफा राख्न स्थानीयवासीलाई आग्रह गरेका छन । फोहोर व्यवस्थापनमा सबै नागरिकले जिम्मेवार भएर आफ्नो क्षेत्र आफैं सफा राख्नुपर्नेमा जोड दिइएको छ । प्रमुख जिल्ला अधिकारी गुरागाईंले सार्वजनिक स्थानमा फोहोर गर्ने व्यक्तिलाई कारबाही तथा आफ्नो क्षेत्र सफा राख्ने व्यक्ति वा समूहलाई सम्मान गर्ने व्यवस्था गरिने बताउनुभएको छ । 

साउने पूर्णिमा हेर्न जिल्लाका विभिन्न ठाउँबाट नागरिकहरू सिमकोट आउने भएकाले आगन्तुकलाई स्वच्छ वातावरण दिन सरसफाइ अभियानलाई प्राथमिकता दिइएको हो । सिमकोटलाई पर्यटकीय गन्तव्यका रूपमा आकर्षक बनाउन पनि स्वच्छता महत्वपूर्ण हुने भएकाले सरसफाइलाई अभियानका रूपमा मात्र नभई दैनिक व्यवहारमा उतार्नुपर्नेमा सरोकारवालाले जोड दिएका छन । सरसफाईमा माक्स ग्लोब्स र फोहोर उडाउने बोरा र उठाएको फोहोरलाई डम्पीङ साइटसम्म पुर्याउने जिम्मा सिमकोट गाउँपालिकाले गरेको थियो ।  
 

प्रकाशित मिति:
प्रतिक्रिया दिनुहोस्

महताराले रेडियो कर्णाली आवाजको कार्यक्रम संयोजकका रुपमा कार्यरत हुनुहुन्छ । उहाँले साप्ताहिक रेडियो कार्यक्रम 'हाम्रो पालिका', 'वाल आावाज', 'महिला आवाज', 'कचहरी कार्यक्रम' र समाचारको संयोजन गर्नुहुन्छ । 

थप समाज
खडिखेतमा झोलुङ्गे पुल निर्माण गर्न टोली भोली पुग्दै ।

खडिखेतमा झोलुङ्गे पुल निर्माण गर्न टोली भोली पुग्दै ।

सर्केगाड गाउँपालिका–२ र ६ को बीचमा पर्ने खडिखेतमा झोलुङ्गे पुल निर्माण हुने भएको छ । लामो समयदेखि पुलको अभावमा जोखिमपूर्ण यात्रा गर्न बाध्य रिपगाउँवासीको समस्यालाई मध्यनजर गर्दै काँदुरी...
लिप्ने खोलामा पुल निर्माण गर्ने सांसद हर्क साम्पाङको प्रतिबद्धता

लिप्ने खोलामा पुल निर्माण गर्ने सांसद हर्क साम्पाङको प्रतिबद्धता

सर्केगाड गाउँपालिका वडा नम्बर २ को लिप्ने खोलामा पुल निर्माणका लागि सांसद हर्क साम्पाङले प्रतिबद्धता जनाउनुभएको छ । स्थानीयवासी, जनप्रतिनिधि तथा गाउँका अगुवाहरूले आवतजावतमा सहजता ल्याउन पुल निर्माणको...
हुम्लाका विकास आयोजना प्राथमिकतामा राख्छौँ , मन्त्री मल्ल

हुम्लाका विकास आयोजना प्राथमिकतामा राख्छौँ , मन्त्री मल्ल

कर्णाली प्रदेश सरकारका सामाजिक विकासमन्त्री जितबहादुर मल्लले हुम्लाका विकास निर्माणका कामलाई प्राथमिकतामा राखेर अघि बढाउने प्रतिबद्धता व्यक्त गर्नुभएको छ । सङ्घीयताको मर्मअनुसार कर्णाली प्रदेशका १० वटै जिल्लामा प्रदेश...
 चंखेलीमा वाल संरक्षणा कार्यशाला सम्पन्न 

 चंखेलीमा वाल संरक्षणा कार्यशाला सम्पन्न 

वाल संरक्षण, शिक्षा, स्वास्थ्य, कृषि तथा आयाआर्जन र विपत् व्यवस्थापन गरेर पाँच समुहमा गरिएको छलफलमा पालिकाका जनप्रतिनिधि र कर्मचारीले लिखित रुपमा आप्mना आवश्यकता उल्लेख गर्ने काम गरेको कार्यशालाका...