कोरोना उच्च जोखिमका बिच : हुम्लामा तिहारको चहलपहल

वर्षको एक पटक मात्रै मनाउने भाइटिका तिहार नजिकिएसंगै हुम्ला सदरमुकाम सिमकोटमा शनिबार देखि निक्कै चहलपहल बढि रहेको छ ।

तिहार नजिकिएपछि सदरमुकाम सिमकोट भन्दा बाहिरका दिदि बहिनीहरु गाउँबाट सिमकोट पुग्दा सदरमुकाम सिमकोट बजार चहलपहल बढेको पाइएको छ । आउँदो मंसिरको १ गतेको भाइटिका तिहारका लागि आफ्ना दाजु भाइका लागि टोपि, फुलमाला, सुपारी लगायतका सामाग्रिहरु खरिद गर्नका लागी आउँदा सिमकोटका पसल व्यवसायिहरु व्यस्त देखिएका छन् ।

कोरोना भाइरस सङ्क्रमणको उच्च जोखिमका बीच तिहारका लागि आवश्यक पर्ने सामग्री खरिद विक्री हुने हुँदा यतिबेला बजार क्षेत्रमा सर्वसाधारणको बाक्लो चहलपहल बढेको छ । हुम्ला जिल्लामा भने तिहारको रौनकले छोएको छ ।

बजारमा बालबालिकाले दिउसी खेलेर रौनक बढाएका छन् । यतिखेर देउसीको सामाग्री जिल्ला बाहिरबाटै महंगोमा आएको छ । अर्थिाक अभावका कारण सो सामग्री किन्नलाई समस्या भएको गाउँबाट आएका महिलाहरुको भनाई छ । कोरोनाको कहर विचमा पनि गाउँका महिलाहरुको आफ्नो पसलमा विभिन्न सामग्रीहरु किन्नका लागि घुइचो भएको व्यवसायि दिपक रावतले बताउनुभयो ,

तिहारको चहलपहल शुरु भएसँगै हुम्लाको सदरमुकाम सिमकोटमा प्राकृतिक फूलका मालाको तुलनामा कृत्रिम फूल मालाको माग बढ्न थालेको छ । तिहारमा प्रयोग हुने सयपत्री र मखमली फूल बोटमै सुकेर गएपछि अभाव हुँदा कृत्रिम फूलमालाको माग बढ्नुका साथै यसले बजार पाएको छ । मालाको माग बढेसँगै यतिबेला सखरमुकाम सिमकोट बजार बनावटी फूलमालाले रङ्गिन बनेको छ ।

यो वर्ष तिहार ढिला भएकाले गाउँघरमा राखिएका फुलका बगैँचा बारीमै सुक्दा बनावटी माला खरिदका लागी सिमकोटमा आउनुपरेको सिमकोट गाउँपालिका वडा दुई निवासी शान्ति भण्डारीले बताउनुभयो ।

घरमा रोपिएको फुलबा बोटहरु सुकेर काम नलाग्ने भएपछि बजारमा पाइने कृत्रिम फुलमाला लिन सदरमुकाम आएको स्थानीय भण्डारीले बताउनुभयो ।

हुम्लामा कोरोना संक्रमित भेटिदा संक्रमणको उच्च जोखिम रहेकाले प्रशासनले कार्यक्रम नगर्न भनेपनि सदरमुकाम सिमकोटमै वालवालिकाहरुले देउसी भैलो खेलिरहेका छन् ।