विमानस्थलकै प्रमुख बस्ने घरमा आगलागी

हुम्लाको सदरमुकाम सिमकोटमा रहेको सिमकोट विमानस्थलको कार्यालय प्रमुख लगायतका कर्मचारी बस्ने घरमा आगलागी भएको छ । आज विहान करीब चार बजे तिर विमानस्थल प्रमुख बस्ने घरको पछाडिमा रहेको विद्युतको तार सट भएर आगलागी भएको हुन सक्ने आशंका गरीएको छ ।

कार्यालय प्रमुखको बस्ने एक कोठा पूर्णरुपमा जलेर नष्ट भएको छ भने अन्य कोठामा आगो लागी रहेको छ । आगो नियन्त्रणमा नेपाली सेना, सशस्त्र प्रहरी, नेपाल प्रहरी र सदरमुकाम सिमकोटमा बस्ने बजारबासी र तल्लो गाउँ, माथिल्लो गाउँका नागरीक लागी परेका छन् ।

आज विहान चार बजे बाट लागेको आगो अहिले ६ बज्दा सम्म नियन्त्रणमा आउन सकेको छैन भने सर्वसाधरण र सुरक्षा निकायले आगो नियन्त्रणमा लिने प्रयास गरीरहेका छन् । आलगाली भएको केही सयम पछि नियन्त्रणमा लिनको लागी नेपाल प्रहरीले माइटिङ्ग गरेर पछि नागरीकको ठुलो संख्यामा उपस्थित रहेको छ । महिला, पुरुष आगो नियन्त्रणमा लागी परेका छन् ।