सिमकोट विमानस्थलको आगो नियन्त्रणमा

हुम्लाको सिमकोट स्थित विमानस्थलका कर्मचारी बस्ने क्वाटरमा लागेको आगो ७ बजे नियन्त्रणमा आएको छ ।

आज (बिहीबार) बिहान ४ बजे लागेको आगो ७ बजे पूर्ण रुपमा नियन्त्रणमा आएको जिल्ला प्रहरी कार्यालयका प्रमुख प्रहरी नायव उपरिक्षक सुर्यप्रकास सुवेदीले जानकारी दिनुभयो ।

विमानस्थल प्रमुख बस्ने क्वाटरमा लागेको आगो नेपाली सेना, सशस्त्र प्रहरी र जनपथ प्रहरीसहित स्थानीयको लामो प्रयासपछि आगो नियन्त्रणमा आएको प्रहरी प्रमुख सुवेदीले बताउनुभयो ।

सिमकोटको तापक्रम माइनमा झरेर पानी जमेकाले आगो निभाउन समस्या भएपनि बिहानैदेखि सबैको प्रयासमा आगो नियन्त्रणमा आएको हो ।

कार्यालयमा प्रयोग भएको हिटरका कारण विद्युतको तार सर्ट भएपछि आगलागी भएको हुनसक्ने अनुमान प्रहरीले गरेको छ ।

हिटरको लातोले विद्युतको तार सर्ट भएर आगो लागेको हुन सक्ने अनुमानगरीएको छ । कसैले आगो लगाएको भन्दा पनि प्राविधिक कारणले नै आगो लागेको पाइएको छ ।

अगालागीबाट ६ कोटे भवनको ३ कोठा पूणरुपमा जलेर नष्ट भएका छन्भने बाँकी ३ कोठामा आंशिक क्षेती भएको विमानस्थलका प्रमुख बिष्णु अधिकारीले बताउनुभयो ।

आगलागी सुरु भएको कोठामा रहेका कार्यालयका कागजात, एसि, सोलार, ब्याट्री जलेर नष्ट भएको छ । बाँकी रहेका कोठाको झ्याल ढोका पनि आगो नियन्त्रण गर्न फोडिएको छ । भवनमा पचास प्रतिशत क्षेति पुगेको छ ।

विहानै विमानस्थल प्रमुख र अन्य कर्मचारी बस्ने निवासमा विमानस्थलमा खटिएका सुरक्षाकर्मीले अचानक आगलागी भएको देखेपछि सबैलाई खबर गरेपछि दुई घण्टापछि नियन्त्रणमा आएको हो ।

आगो नियन्त्रणका क्रममा जिल्ला प्रहरी कार्यालय हुम्लाका कर्मचारी गणेश सुइयाल घाइते भएका छन् । उनको हातमा चोट लागेको र उपचार भैरहेको छ ।