विद्यार्थीलाई ट्राफिक नियम सिकाउँदै प्रहरी

जिल्ला ट्राफिक प्रहरी कार्यालय हुम्लाले यहाँका बिद्यालयमा ट्राफिक सचेतना सम्बन्धि जनचेतना मुलक जानकारी दिन थालेको छ । जिल्लाका ट्राफिक नियम सम्बन्धि जानकारी नहुँदा दुर्घना बढेको भन्दै यहाँको जिल्ला ट्राफिक प्रहरी कार्यालयले हुम्लाले सदरमुकाम सिमकोटमा रहेका सामुदायिक विद्यालयमा गएर ट्राफिक नियम सम्बन्धि तालिम दिन थालेको हो ।

ट्राफिक नियम सम्बन्धि जानकारी दिन र सबैले ट्राफिक सम्बन्धि जानकारी पाउन भन्ने उदेश्यले आफुहरुले उक्त तालिम दिदै आएको जिल्ला ट्राफिक प्रहरी कार्यालय हुम्लाका प्रमुख प्रहरी सहायक निरीक्षक लोक बहादुर चन्दले जानकारी दिए । आज आइतबार सिमकोटमा रहेको मानसरोवर माध्यामिक विद्यालयमा अध्ययनरत कक्षा छ र दश सम्मका ८० जना भन्दा बढी विद्यार्थीको सहभागीतामा ट्राफिक यिनम सम्बन्धि जानकारी गराइएको हो । जिल्ला ट्राफिक कार्यालय सिमकोटका अनुसार, “यातयातका साधन दिनहुँ थपिदैछन्, ट्राफिक नियम सम्बन्धि सबैलाई जानकारी नभएकाले हामीले सबै ठाउँमा तालिम दिन थालेका छौँ ।”

जिल्ला ट्राफिक प्रहरी कार्यालय हुम्लाले यस अघि बालमन्दिर माध्यामिक विद्यालयमा अध्ययनरत छात्र छात्रालाई जानकारी गराएको छ ।

ट्राफिकहरुले बिद्यालयमा रहेका बिद्यार्थीहरु मार्फत जनचेतना तालिम दिनलागेको प्रति यहाँका स्थानियहरु खुसि भएको मानसरोवर माध्यामिक विद्यालयका प्रधानध्यापक अमर बहादुर शाहीले बताए ।

गाडी चालकहरुले सदरमुकाम सिमकोट देखि गाउँमा पुग्दा जिल्लामा ट्राफिक नियमको पालना नगर्दा वर्षेनी सवारी दुर्घना हुनुका साथै दजर्नौको अकालमै ज्यान जान थालेको छ ।