मृगौला प्रत्यारोपण गर्ने रकम नहुँदा ७ महिनादेखी वीर अस्पतालमा हुम्लाकी देबिसरा

सिमकोट । दुबै मृगौला फेल भएकी हुम्लाको खार्पुनाथ गाउँपालिका वडा नम्बर २ थालिकी देबिसर रावलद्धालले उपचारका लागी आर्थिक सहयोग गर्न सबैमा अपिल गर्नु भएको छ । बिगत ७ महिनादेखी मृगौला फेल भएर डाइलासिस गराउदै आउनु भएकी ३६ बर्षिय रावलले आफ्नो परिवारसँग भएको सबै पैशा सकिएको भन्दै सहयोगका लािग अपिल गर्नु भएको हो ।

दुबै मृगौला फेल भए लगत्तै गत साउन २७ गतेदेखी काठमाण्डौको बिर अस्पतालमा मृगौला डाइलासिस गराइ रहनु भएकी रावलको अहिले आर्थिक अबस्था निकै कमजोर रहेको छ । मृगौला पिडित रावलका श्रीमान हर्क बहादुर रावलका अनुसार आफुसँग भएको पैशा र गाउँ घरमा ऋण लिएको गरी डाइलासिस गर्दा मात्रै २५ लाख खर्च भइसकेकाले उपचारकालागि आर्थिक सहयोग गरिदिन अपिल गर्दै आउनु भएको छ ।

डाक्टरको सल्लाह अनुुसार श्रीमान हर्क बहादुरकी ६७ बर्षिय आमा सिद्धा रावलको मृगौला प्रत्यारोपण गर्न सकिने जनाएपनि आर्थिक अभाव र दिने दाता नभएकाले समस्या परेको रावलकोे भनाई रहेको छ । अहिले पछिल्लो समयमा निःशुल्क डायलासिस गराएपनि अन्य खर्च जोडदा खर्चले धान्न नसकेको पिडीत रावलका श्रीमानले बताउनुभयो । काठमाडौको बिर अस्पतालमा मात्रै हाल सम्म २५ लाख भन्दा बढी खर्च भएको रावलले जानकारी गारउनुभयो ।

रावलले मृगौला प्रत्यारोपणका लागि राष्ट्रिय प्रत्यारोपरण केन्द्र भत्तपुरमा श्रीमतीको नाम दर्ता गरिसकेको भएपनि आर्थिक समस्याका कारण प्रत्यारोपण गर्न समस्या भएको बताउनुभयो । अहिलेको अबस्थामा ५ लाख सम्म रकमको जोहो गर्न सके आफ्नी श्रीमतीको ज्यान जोगाउन सक्ने भन्दै हुम्ली सहयोगी दाता मार्फत सहयोग अपिल गर्दै आउनु भएको छ । उहालाई सहयोग गर्न चाहानेले श्रीमान हर्क बहादुरको मोबाइल नम्बर ९८४९३६४६३५ मा सम्पर्क गरी सहयोग गर्न अनुरोध गर्नु भएको छ ।