सभापति पक्राउविरुद्ध रास्वपा हुम्लाको ज्ञापनपत्र 

सिमकोट । राष्ट्रिय स्वतन्त्र पार्टी (रास्वपा)का सभापति रवि लामिछाने पक्राउको विरूद्धमा रास्वपा हुम्लाले आइतबार प्रमुख जिल्ला अधिकारी मार्फत रिहाईको माग गर्दै गृहमन्त्रालयलाई ज्ञापन पत्र बुझाएको छ ।

रास्वपाका कर्णाली प्रदेश कमिटि सदस्य तथा कार्यवाहक जिल्ला संयोजक बुधे बुढाको नेतृत्वमा गएको टोलीले बजारमा सभापति लामिछानेको रिहाइको मागको शान्तिपूर्ण तरिकारले नारा लगाउँदै जिल्ला प्रशासनमा पुगेर ज्ञापन पत्र बुझाएको हो । सभापति लामिछानेलाई सरकारले राजनीतिक प्रतिशोधका आधारमा पक्राउ गरिएको आरोप लगाउँदै प्रमुख जिल्ला अधिकारीमार्फत ज्ञापनपत्र बुझाएको बताइएको छ ।

सहकारी प्रकरणमा सार्वजनिक लेखा समितिका सभापति समेत रहेका एमालेका नेता ऋषिकेश पोखरेल र कांग्रेसका उपसभापति धनराज गुरुङलाई छानबिनको दायरामा नल्याएको ज्ञापनपत्रमा भनिएको छ । निर्दोष व्यक्तिलाई राजनितिक प्रतिशोधका आधारमा पक्राउ गर्नु र दोषी ठहरिएकाहरु पक्राउ नपर्नु समेत भनिएको छ । निष्पक्ष छानविन नभए सडक र सदन दुबैमा आन्दोलनमा रास्वपा उत्रिने समेत भनिएको छ । सहकारी र मिटरव्याजी पिडितले न्याय समयमै पाउनुका साथै वास्तविक ठगीलाई पक्रउ गर्नुपर्ने उनिहरुको माग रहेको थियो ।

ज्ञापन पत्र बुझाउने कार्यक्रममा रास्वपाका जिल्ला स्थित अन्य नेता तथा कार्यकर्ताको उपस्थित रहेको थियो ।