मुख्यमन्त्री कडेल हुम्लाको विकासे प्रगतिका साथै समस्या बुझ्न सोमबार हुम्ला पुग्दै

सिमकोट । कर्णाली प्रदेश सरकारका मुख्यमन्त्री यमलाल कडेल सोमबार विहान हुम्ला आउनु हुने भएको छ । कर्णाली प्रदेश सरकारको निति कार्यक्रम अनुसार प्रदेश सरकारले पठाएको बजेट, कार्यान्वयनको अवस्था र प्रगतिका साथै समस्या (चुनौती) बुझ्नका लागि मुख्यमन्त्री कडेलको टोली सोमबार सिमकोट पुग्न लागेको स्वकिय सचिव धनश्याम पाण्डेयले बताउनुभयो । 

    जिल्ला स्थित कार्यालयमा सेवा प्रवाहमा देखिएका समस्या लगायतका विषयतमा बुझ्नका लागि मुख्यमन्त्री कडेल हुम्ला पुग्न लाग्नु भएको हो । साथै मुख्यमन्त्री कडेल हुम्ला पुगेसँगै स्थानीय तहका जनप्रतिनिधिसँग छलफल गर्नुका साथै स्थानीयका समस्या (चुनौती) समेत बुझ्नका लागि आउन लाग्नु भएको स्वकिय सचिव पाण्डेयले बताउनुभयो ।

   सदरमुकाम सिमकोट पुगेसँगै मुख्यमन्त्री कडेलले सिमकोटमा सरहेका सरोकावाला निकाय सम्बन्धित कार्यालयका प्रमुख, स्थानीय तहका जनप्रतिनिधि, राजनितिक दल, लगायतसम्बद्धसँग छलफल तथा अन्तरक्रिया कार्यक्रम हुने भएको मुख्यमन्त्री कार्यालय स्रोतले जानकारी दिएको छ । 

    साथै मुख्यमन्त्री कडेलसँग उर्जा तथा जल स्रोत मन्त्री विजय बुढा लगायतको टोली हुम्ला आउन लाग्नुभएको हो । यसअघि भौतिक पूर्वधार मन्त्री शेरबहादुर बुढा सिमकोट पुगि सक्नुभएको छ ।