अण्डर १३ मा कैलाश बोधी र अण्डर १७ को बालमिन्दर माध्यामिक विद्यालय बिजेता

सिमकोट । जिल्ला स्तरीय अण्डर १३ अन्तर विद्यालय स्तरीय फुटवल प्रतियोगिताको फाईनल खेलमा कैलाश बोधी आवासीय विद्यालय विजेता भएको छ । आईतबार भएको फाईनल खेलमा कैलाश धोबीले बालमन्दिर माविबाट बिजेता भएको हो । निर्धारित खेल एक–एक गोल गरेर बराबरीमा टुङ्गिएपछि खेल पेनाल्टी सुट आउटमा गएको थियो । पहिले चरणमा पाँच पाँच जनाले बराबरी गोल गरेपनि खेल अझै रोचक लयमा गएको थियो । फुटबलको नियम अनुसार खेल सडेज गेजमा गएको थियो । जसमा कैलाश बोधी गोल हाल्न सफल भएको थियो भने बालमन्दिर चुकेको थियो । 

यस्तै अण्डर १७ को फाईनल खेलमा बालमन्दिर माध्यामिक विद्यालय बिजेता बनेको छ । मानसरोवर माध्यामिक विद्यालयलाई एक गोलले पराजित गर्दै बामन्दिर मावि अण्डर १७ मा प्रमुख भएको आयोजक तथा हुम्ला फुटबल एकेडेमीका अध्यक्ष विष्णु रावतले बताउनुभयो । बिजेता अण्डर १३ र अण्डर १७ का उत्कृष्ट गोलकर्ता, डिफेन्डर, खेलाडी र गोल रक्षकलाई मेडल, प्रमाणपत्र, पुरस्कार समेत वितरण गरिएको जानकारी प्राप्त भएको छ । लिटिल एन्जल्स स्वर्गीय भुपेन्द्र रावतको स्मृतिमा उक्त प्रतियोगिता हुम्ला फुटवल ऐकेडेमीले आयोजना गरेको हो । प्रतियोगितामा अण्डर १७ मा चार वटा र अण्डर १३ मा चार टिमको सहभागिता रहेको थियो ।