रायाँ गाउँमा आएको विकासे योजनामा पहुँचका भरमा उपभोक्ता समिति चयन 

सिमकोट । हुम्ला जिल्लाको खार्पुनाथ गाँउपालिका वडा नम्बर तीन राया गाँउमा मनपरी उपभोक्ता समिति गठन गर्ने पाइएको छ । विभिन्न भवन निर्माण, सिचाई, बाटोघाटो, पुलपुलेसा लगायतको विकास निर्माणका लागि राजनितिक पहुँचका भरमा उपभोक्ता समिति गठन हुने गरेको अधिकांस रायाका स्थान्ीयले गुनासो पोखेका छन् ।

पहिलो वर्ष जो व्यक्ति उपभोक्ता समितिको अध्यक्षसहितका पदाधिकारी बसेका छन् । दोस्रो पटक गाउँमा आउँदा पनि उहि व्यक्ति बस्ने गरेको पाइएको छ । रायाँ गाउँपालिका अगुवा, भद्रभलादमी, राजनितिक पहुँच, सत्तामा बसेका व्यक्तिले मात्रै उपभोक्ता समिति चयन गर्नुका साथै आफन्त, नाताबादबाट चयन हुने गरेको पाइएको छ ।

पहुँच नभएका राया गाउँका नागरीकले उपभोक्ता समितिको सदस्य समेत बस्न नपाउने प्रविधि रहेको छ । गाउँपालिका, प्रदेश र संघ सरकारबाट आएका योजनाहरुको आ आफ्नो पहुँचका भरमा उपभोक्ता चयन गर्ने चलन रहेको छ । गाउँमा पुगेको योजना विकासका बजेटलाई सबैलाई मिलाएर लैजानु पर्ने ठाउँमा पार्टीको भागबण्डा लगायतको प्रविधिको शाहवी भएको छ ।