कोरोना संक्रमितको संख्या ३ हजार ४ सय ४८ पुग्यो

सुर्खेत । नेपालमा पछिल्लो २४ घण्टामा नेपालमा थप २१३ जनामा कोरोनाभाइरसको संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

आइतबारको नियमिति प्रेस ब्रिफिङमा स्वास्थ्य मन्त्रालयका प्रवक्ता डा। विकास देवकोटाले सो जानकारी दिएका हुन्। जसमा २०९ जना पुरुष र ४ जना महिला रहेका छन् ।

यस्तै बितेको २४ घण्टामा थप १०२ जना कोरोना निको भएर डिस्चार्ज भएका छन् । जसमा २ जना महिला र १०० जना पुरुष रहेका छन् । योसहित कोरोना जितेको निको हुनेको संख्या ४६७ पुगेको देवकोटाले जानकारी दिए ।

योसँगै नेपालमा कोरोना संक्रमितको संख्या ३४४८ पुगेको छ । तीमध्ये १३ जनाले ज्यान गुमाएका छन् ।