सिमकोटमा खानेपानीको समस्या

सिमकोट । हुम्लाको सदरमुकाम सिमकोटमा यतिबेला खानेपानीको समस्या भएको छ । सिमकोट गाउँपालिकाको पालिका केन्द्र रहेको सदरमुकाममा खानेपानीका धारामा पानी नआएपछि सेवाग्राहीले समस्या भोग्नु परेको छ । सिमकोट तल्लो बजारमा धारामा पानी आउन छोडीपछि घण्टौ लाइन बसेर एक बाल्टी पानी थाप्नु पर्ने अवस्था आएको लक्ष कामीले बताउनुभयो । 

   कामीले भन्नुभयो, “तल्लो बजार क्षेत्रका अधिकांश धारामा पानी आउन छोडेको, पानी आएका एक दुई छिपुट धारामा पनि एक घण्टा बढी लाइन बस्नुपर्छ । विहान सात बजेदेखि दश बजेसम्म मात्रै पानी आउने हुँदा कहिले त खाना कपाउने पानी नै नपुग्ने उहाँले बताउनुभयो ।” खाना पकाउन लगायतका लागि समेत पानीको समस्या छ । व्यक्तिगत सरसफाइमा पनि समस्या, कपडा धुन नपाएको कामीको गुनासो छ । ” पानी नआएका तल्लो बजारमा बस्ने नागरीकलाई पानीको समस्या छ । एकातिर खानेपानीको व्यवस्था गर्न समस्या देखिएको छ भने अर्कोतिर खोलामा गएर कपडा धुनुपर्ने बाध्यता छ । एक बाल्टी पानी थाप्न दशदेखि पन्ध्र जना लाइनमा बस्नु पर्ने बाध्यता छ । 

   हिउँदको महिनामा पानीमा विहानको समय बरफ जम्नुका साथै बजार क्षेत्रका विभिन्न स्थानमा पानीका पाइप टुटफुट भएका कारण तल्लो बजारबासीले खानेपानीको समस्या झेल्दै आउनु परेको छ । खानेपानीका धारामा बरफ जमेर पानी समेत आउन नसकेको हो । 

  तल्लो बजारबासी अधिकांश महिला, पुरुष पिन्यारा, तीनधारामा पानी लिन जाने गरेका छन् । सिमकोट माथिल्लो बजारका अधिकांस नागरीकले पानी धारामा नआउँदा मुग्राधारामा गएर पानी ल्याउनु परेको बताउने गरेका छन् ।