लाश जलाउने क्रममा आगोले पोलेर दुई युवाको अनुहारमा क्षेती

कर्णाली नदीको किनारमा लाश जलाउने क्रममा आगोको लप्काले दुई जना युवाका अनुहार र छातीमा आगो भेटाएपछि गम्भीर घाईते भएका छन् ।
लाश जलाउने दाउरा सल्काउनका लागर मट्टीतेल खन्याउने क्रममा आगोको लप्काले अनुहार र छातीमा भेटाए पछि दुई जना युवा घाइते भएका हुन् ।

खार्पुनाथ गाउँपालिका वडा नम्बर ५ को बाम्टाका १७ बर्षका युवा धर्म सुनारको लाश जलाउने क्रममा मट्टिेल सहितको आगोको लप्काले अनुहार जलाएर गम्भीर घाईते बनाएको पिडितका दाई कृष्ण सुनारले बताए ।

सोही गाउँका अर्का युवा बसन्त सुनारको पनि छातीमा आगोको लप्काले छोएपछि जलेको छ । लाश जलाउने तयारी गरी रहेको बेला आगो बाल्नका लागी दाउरामा मट्टीतेल खन्याउने क्रममा एक्कासी आगोको लप्काले अनुहार र छातीमा भेटाएको उनका दाईले बताए ।

दुबै जनालाई आगोले छोएपछि अरु मलामी गएर अनुहार तथा शरिरमा लागेको आगो निभाएका हुन् । उनीहरुको अबस्था निक्कै गम्भीर रहेको सुनारले जानकारी दिए ।

आगोले पोलेका दुबै जना युवाको अहिले खार्पुनाथ गाउँपालिका केन्द्र सामुदायीक अस्पतालमा निशुल्क रुपमा उपचार भै रहेको छ । अबस्था जटिल भएको भएपनि गाउँपालिका कै अस्पतालमा उपचार भै रहेको स्वास्थ्यकर्मीले जनाएका छन् ।

एक दुई दिन उपचारको अबस्था हरेर अगाडीको उपचार तय गर्ने अस्पतालले जनाएको छ ।