खार्पुनाथ

आरडिटी पोजेटिभ, क्वारेन्टाइनस्थल शिल

दाने बोहरा

सोमबार, असार ८, २०७७

हुम्लाको खार्पुनाथ गाउँपालिका वडा ४ को क्वारेन्टाइनमा बस्दै आएका एक जना युवाको आरडिटी परिक्षण रिपोर्ट पोजेटिभ आएको छ ।

रेन्टाइन अबधि पुग्न लागेको बेला आरडिटी किटबाट कोरोना संक्रमण परिक्षण गर्दा रिपोर्ट पोजेटिभ आएको हो ।

खार्पुनाथ गाउँपालिका वडा नम्बर ४ का १७ वर्षका युवामा दुई पटक कोरोना संक्रमण परिक्षण रिपोर्ट पोजेटिभ आएको गाउँपालिका अध्यक्ष कर्ण बहादुर रावलले बताए ।

आरडिटी परिक्षण गर्दा रिपोर्ट पोजेटिभ आउदा वडा नम्बर ४ को सिता माबिको क्वारेन्टाइन क्षेत्रलाई शिल गरिएको अध्यक्ष रावलले बताए । ती युवा १२ दिन अगाडी काठमाडौं देखि नेपालगंज, सुर्खेत, मुगु हुदै पैदल भएर गाउँ पुगेका हुन् ।

रिपोर्ट पोजेटिभ आएपछि जिल्ला अस्पतालबाट चिकित्सक र स्वास्थ्यकर्मीको टोली भिटिएम किट लिएर त्यसतर्फ लागेको छ । टोलीले रिपोर्ट पोजेटिभ आएका १७ वर्षका युवा सहित सहित ३२ जनाकै स्वाब संकलन गरी लिएको अध्यक्ष रावलले जानकारी दिए । वडा नम्बर ४ को छिप्रा गाउँमा त्रास बढेको छ ।

प्रकाशित मिति: सोमबार, असार ८, २०७७

प्रतिक्रिया दिनुहोस्