महिनावारीको समय विद्यालयमा नियमीत गराउन छात्रालाई स्यानिटरी प्याड

जिल्लाको खार्पुनाथ गाउँपालिकाले पालिका भित्र रहेका १० वटा विद्यालयलाई स्यानिटरी प्याड नि ः शुल्क वितरण गर्ने भएको छ । गाउँपालिका भित्र रहेका १० वटा सामुदायिक विद्यालयलाई ५ हजार ५ सय थान स्यासनिटरी प्याड वितरण गरिने भएको हो ।

कक्षा ६ देखि कक्षा १२ सम्मका करिब १३ सय छात्राहरुलाई स्यानिटरी प्याड वितरण गर्न लागीएको गाउँपालिका शिक्षा शाखाका प्रमुख तथा शिक्षा अधिकारी भिम बहादुर थापाले जानकारी दिनुभयो । शिक्षा अधिकारी थापाका अनुसार हिजो र आज गरेर नेपालगन्जबाट ५ हजार ५ सय थान स्यानिटरी प्याड सिमकोट पुगे लगत्तै गाउँपालिकामा लिएर वितरण गरीने भएको छ ।

विद्यालयमा अध्ययनरत छात्राहरु महिनावारीको अवस्थामा कक्षामा नियमित उपस्थिति हुन कठिनाई भएकोले उनीहरुको कक्षा नियमितताको लागी सहज हुने उदेश्यका साथ सो कार्यक्रम लागु गरिएको शिक्षा अधिकारी थापाले जानकारी दिनुभयो ।

सोही गाउँपालिकाका विद्यालयहरुमा कार्यरत महिला शिक्षिका लाई स्यानिटरी प्याड वितरण वितरण गरीने भएको छ ।

स्यानिटरी प्याड वितरणवाट विद्यालयमा अध्ययनरत छात्राहरुको कक्षा नियमित भई अध्ययन अध्यापनमा सहजता हुने छ । जिल्लाका किशोरीहरु महिनावारीको समयमा विद्यालय जान लजाउने भएका कारण पनि गाउँपालिकाले यो कार्यक्रम लागु गरेको हो ।

५ हजार ५ सय स्यानिटरी प्याड खरिद गरेर सिमकोट सम्म आइपुग्न रु तीन सम्म मुल्य पर्न गएको छ ।