प्रहरीलाई सोलार सहयोग, नाम जोडिएको प्रति उपाध्यक्ष शाहीको आक्रोस

हुम्लाको खार्पुनाथ गाउँपालिकाले जिल्ला प्रहरी कार्यालय हुम्लालाई सोलार अर्थात विद्युतीय सामग्री सहयोग गरेको छ । गाउँपालिकाले मंङ्गलबार विहान साढे एक किलोवाट क्षमताभएको सोलार निःशुल्क सहयोग गरेको हो ।

जिल्ला सदरमुकाम सिमकोटमा मङसिर पहिलो साता देखि दैनिक ९ घण्टा बढी विद्युत लोडसेडिङ हुनथालेपछि काम गर्न समस्या निम्तीने भएकाले उक्त सामग्री सहयोग गरीएको खार्पुनाथ गाउँपालिका अध्यक्ष कर्ण रावलले जानकारी दिनुभयो ।

मंङ्गलबार विहान नेपाली कांग्रेसका केन्द्रिय सदस्य तथा कर्णाली प्रदेशका प्रमुख प्रतिपक्ष दलका नेता जीवन बहादुर शाहीले जिल्ला प्रहरी कार्यालय हुम्लाका प्रहरी नायव उपरिक्षक सूर्य प्रकाश सुवेदीलाई हस्तान्तरण गरेका हुन् ।

यस्तै खार्पुनाथ गाउँपालिका उपाध्यक्षले आफु सोलार वितरण कार्यक्रममा सहभागी नभएको तर आफ्नो नाम राखिएको भन्दै असन्तुष्टि जनाउनुभएको छ । गाउँपालिका अध्यक्ष रावलले उपाध्यक्ष सहितका अन्य जनप्रतिनिधिसँग कुनै सल्लाह नगरी मनोमानी एकतर्फि तरिकाले आफुखुसि काम गर्दै आएकोमा उपाध्यक्ष रुपा शाहीले असहमति जनाउनुभयो । गाउँपालिका अध्यक्ष रावलले आफ्नो घरको सम्पति दिएजसरी एकतर्फि गाउँपालिका कामकाज चलाएको भन्दै उपाध्यक्ष शाहीले आरोप समेत लगाउनुभएको छ ।

खार्पुनाथ गाउँपालिकाले मङगलबार विहान (सोलार प्यानल चार, व्याट्री चार र इन्भटर एक थान) सहितका विद्युतीय सामग्री सहयोग गरेको खार्पुनाथ गाउँपालिकाले जानकारी दिएको छ ।