एक घरमा आगलागी हुँदा ५ लाख बराबरको क्षति

हुम्लाको खार्पुनाथ गाउँपालिका वडा पाँचको याङचुको एक घरमा आगलागी हुँदा रु पाँच लाख बराबरको क्षति भएको छ । बिहिबार दिउँसो साढे १२ बजे याङचु गाउँका तुला सुनारको घरमा आगलागी भएको हो भने गोरसिह सुनारको किराना पसलमा रहेका सामग्रीा जलेर नष्ट भएको छ । आगलागीको कारण थाहा नभएको जिल्ला प्रहरी कार्यालय हुम्लाले जानकारी दिएको छ ।

आगलागीबाट सुनारको एक तले कच्ची घर तथा घरमा रहेका सम्पूर्ण सामग्री, सहित आगलागी भएको सोही घरमा किराना पसल रहको हुँदा पसलमा रहेका सम्पुर्ण सामग्री जलेर नष्ट हुनुका साथै अन्दाजी रु पाँच लाख बराबरको क्षति भएको जिल्ला प्रहरी कार्यालय हुम्लाका प्रहरी नायव उपरिक्षक सुर्यप्रकाश सुवेदीले जानकारी दिए ।

खार्पुनाथ प्रहरी चौकीका पाँच जनाको टोली र स्थानीयवासी लगायतले आगलागी नियन्त्रणमा लिएको प्रहरी जनाएको छ । आगलागी भएर घर जलेर नष्ट भएको छ भने अन्य मानविय र पशुचौपाएको कुनै क्षति भने नभएको जिल्ला प्रहरी कार्यालय हुम्लाले जानकारी दिएको छ । हुम्लामा पछिल्लो समय आगलागीका घट्ना बढ्दै गएको जिल्ला प्रहरी कार्यालय हुम्लाले जानकारी दिएको छ ।