स्वयम सेविकालाई तालिम

जिल्लाको खार्पुनाथ गाउँपालिकाले महिला स्वास्थ्य स्वयम सेविकाका लागी नौ दिने तालिम सम्पन्न गरेको छ ।

सामुदायिक महिला स्वास्थ्य स्वयम सेविका छनोट गरेपछि पहिलो पटक उनीहरुलाई तालिम सञ्चालन गरीएको हो । नयाँ छनोट भएका महिला स्वयम सेविकाले बालबालिकालाई कसरी पोलियो खुवाउने, समाजमा देखिने स्वास्थ्य समस्याका विषयमा कसरी छिटो छरितो जानकारी गराउने, महिला स्वयम सेविकाले खेल्नुपर्ने भुमिका लगायतका विषयमा जानकारी गराइएको हो ।

महिला स्वयम सेविकालाई तालिम पुस २३ गतेबाट शुरु भएर आज सम्पन्न भएको खार्पुनाथ गाउँपालिका स्वास्थ्य संयोजक बलिराज शाहीले जानकारी दिए । नौ दिने स्वयम सेविका को तालिममा वडा एक देखि पाँच सम्मका गरेर ३४ जना महिलाको सहभागीता रहेको संयोजक शाहीले बताए । नयाँ छनोट भएर तालिम नलिएका साक्षेर महिला स्वयम सेविकाका लागी खार्पुनाथ गाउँपालिकाले आयोजना गरेको हो ।