थाली गाउँमा सिजनल रुघाखोकीका विरामी बढे

हुम्लाको खार्पुनाथ गाउँपालिका वडा दुई थाली गाउँ सिजनल रुघाखोकीका विरामीले थला परेको छ । गाउँमा केही दिन अगाडी देखि रुघोखोकीको संक्रमण फैलिएको रहेछ आज मात्रै चालीस देखि पचास जनामा सामन्य चेकजाँच गरीएको गाउँपालिकाका ल्याप टेक्निसियन रमेश शाहीले बताए । आफुहरु कोरोना संक्रमणको परीक्षण गर्नका लागीआज थाली गाउँमा पुगेर सात जनालाई परीक्षण गर्दा कसैमा संक्रमण नदेखिएको तर सिजलन रुघाखोकीका विरामी गाउँ भरीनै रहेको उनले बताए ।

आफुहरुले आज विरामीहरुको चेकजाँच गर्नुका साथै थप उपचारका लागी पालिकाबाट औषधि मगाएको उहाँले बताउनुभयो । गाउँमा एकै घरमा तीन देखि चार जना सम्म विरामी भएको पाइएको छ । सिजनल रुघाखोकी नियन्त्रणका लागी गाउँपालिकाको स्वास्थ्य शाखाबाट औषधिको माग गरीएको छ । मौसम परिवर्तन हुँदा गाउँमा सिजनल रुघाखोकीका विरामी बढेको हुन सक्ने बताइएको छ ।

ज्वरो आउने, रुघाखोकी, छाती दुख्ने लगायतका लक्ष्यण सहितका विरामी रहेको उहाँले बताउनुभयो । गाँउभरी ज्वरो र रुघाखोकीका विरामीले मानिसहरु लखतरान परेको स्थानियले बताएका छान् । बच्चा देखि बृद्धबृद्धा सवै सिजनल रुघाखोकीले प्रभावित भएको बताइएको छ ।