रास्वपा हुम्लाको भ्रष्टचार विरुद्ध खबरदारी अभियान सम्पन्न

सिमकोट । राष्ट्रिय स्वतन्त्र पार्टी (रास्वपा) हुम्लामा साउन पहिलो हप्ताको शनिबारदेखि सञ्चालन गरेको भ्रष्टचार विरुद्ध खबरदारी अभियान सम्पन्न गरेको छ । 

जिल्लामा हुने भ्रष्टचार व्यथितीलाई अन्त्य गर्नका लागि साउन महिनाभरीका चारवटा शनिबारका दिन सदरमुकाम सिमकोटका विभिन्न चोकमा खबरदारी गर्दै आएको अभियान सम्पन्न भएको जानकारी प्राप्त भएको छ । रास्वपा हुम्लाले सिमकोट माथिल्लो बजारको तीनधारा चोकमा भ्रष्टार विरुद्धको खबरदारी अभियान कार्यक्रम गरी आजसम्पन्न भएको जनाएको हो । 

तीनधारामा एक कार्यक्रम गरी सदरमुकाममा हुने अभियान सम्पन्न भएको भ्रष्टचार विरुद्ध खबरदारी अभियान हुम्लाका संयोजक तथा रास्वपाका महेन्द्र पाण्डेले बताए । रास्वपा हुम्लाका जिल्ला स्थित नेता तथा कार्यकर्ताको उपस्थितमा सम्पन्न भएको बताइएको छ । साउन महिलाको प्रत्येक शनिबार सदरमुकाममा भ्रष्टचार विरुद्धको र्याली निकाल्दै मूख्य चोकमा कोणसभा गरी कार्यक्रम हुँदै आएको थियो ।

रास्वपा हुम्लाले साउन महिनाभरी सदरमुकाम सिमकोटमा भ्रष्टचार अन्त्यका लागि हरेक हप्ताको शनिवार हस्ताक्षर कार्यक्रम गर्नुका साथै बजार क्षेत्र सरसफाई समेत गर्दै आएको बताइएको छ । 

जिल्लामा विकास निर्माणका कामले गति लिन नसकेर गुणस्तरीय नभएर यहाँका विभिन्न कार्यालय र स्थानीय तहमा व्यथिति भएपछि भ्रष्टचार अन्त्यका लागि आफुहरुले साउन महिनाभरी यो कार्यक्रम सञ्चालन गरेको रास्वपा हुम्लाले बताएको छ । आज यो अभियान सदरमुकाममा गरिने कार्यक्रम सम्पन्न भएसँगै भोली आइतबार जिल्ला प्रशासनमा यसको समिक्षा गरिने भएको जानकारी प्राप्त भएको छ । यसपछि भदौ महिनामा जिल्लाका सातवटै गाउँपालिकामा र गाउँ गाउँमा गएर भ्रष्टचार विरुद्ध हस्ताक्षर अभियान सञ्चालन गर्नुका साथै कार्यक्रम समेत सञ्चालन गरिने भएको बताइएको छ । जिल्लामा हुने भ्रष्टचार अन्त्यका लागि आफ्नो पार्टीले दबाब स्वरुप यो अभियान सञ्चालन गरेको रास्वपाका जिल्ला सभापति बुधे बुढाले जानकारी दिए ।