गोप्का गाउँमा भलिवल खेलको आयोजना हुँदै

सिमकोट । हुम्लाको खार्पुनाथ गाउँपालिका वडा नम्बर १ गोप्का गाउँमा अनन्तय पूर्णिमा मेलाको अवसर पारी ठूलो राशीको भलिवल आयोजना हुने भएको छ । तेस्रो अनन्तय पूर्णिमाको अवसरपारी गुरा सामुदायिक युवा क्लबले भलिबल रनिङ्ग शिल्ड प्रतियोगीताको आयोजना गर्न लागेको हो ।

खार्पुनाथ गाउँपालिका स्तरीय भलिबल खेलको आयोजना हुने भएकाले वडा १ देखि ५ सम्मका खेलाडीले भदौ २६ गते बेलुका ६ बजेसम्म आफ्नो टिम दर्ता गराउन गुरा सामुदायिक वनका अध्यक्ष कशम बुढाले जानकारी दिनुभयो । भदौ २७ र २८ गते दुई दिन भलिबल खेलको आयोजना हुने भएको हो । यस्तै हुने टिमलाई पुरस्कार राशी रु पचास हजार र द्धिर्तीय हुने टिमलाई पच्चिस हजार पुरस्कार रहेको उक्त क्लबका अध्यक्ष बुढाले बताउनुभयो । टिम दर्ता रु आठ हजार लाग्ने भएको जानकारी प्राप्त भएको छ । 

यसैगरी नेपाल विद्यार्थी संघका केन्द्रिय सदस्य तथा हुम्लाका युवा नेता खेम खड्काले आफ्नो गाउँमा यति ठूलो राशीको खेलकुद आयोजना हुनु राम्रो रहेको बताउनुभयो । आफ्नो गाउँ ठाउँका लागि युवा शक्ति सहित सबैको लागी लागि पर्ने खड्काले बताउनुभयो ।