उम्मेदवार टुङ्ग्याउने तीब्र तयारीमा हुम्लाका राजनितिक दल
सिमकोट । हुम्लाको मध्ये भेगमा रहेको सर्केगाड गाउँपालिकाको उपध्यक्ष पदका लागि हुन लागेको उपनिवार्चमा जिल्ला स्थित राजनितिक दलहरु उम्मेदवार छनौटको तीब्र तयारीमा जुटेका छन् ।
तिहार सकिए लगत्तै दलहरुले आ–आफ्नो बलियो उम्मेदवार छनौट गर्ने तयारीमा छन् । उपनिर्वाचनमा उपाध्यक्ष पद आफ्नो निर्वाचीत कसरी गर्न सकिन्छ भनेर बलियो उम्मेदवार छनोटमा लागि परेका छन् । हुम्लामा रहेका तीन ठूला दल नेपाली कांग्रेस, नेकपा माओवादी र नेकपा एमालले कसरी उपाध्यक्ष आफ्नो सुनिश्चित गर्न सकिन्छ भन्ने तर्फ जुटेका छन् । जिल्ला स्थित विभिन्न राजनितिक दलहरुले उपाध्यक्ष पदका लागि एक, दुई दिनमा आफ्नो उम्मेदवार टुङ्ग्याउने तयारी रहेको बताएका छन् ।
नेकपा माओवादी केन्द्र हुम्लाले २३ गते शुक्रबारसम्म आफ्नो उम्मेदवारको टुङलो लाग्ने जिल्ला पार्टी सचिव धर्मराज बोहराले बताउनुभयो । उम्मेदवार टुङ्ग्याउनका लागि आफ्नो टोली विहिबार सर्केगाड जान लागेको नेकपा माओवादी केन्द्रका जिल्ला पार्टी सचिव बोहराले बताउनुभयो ।
यस्तै नेकपा एमाले हुम्लाले पनि केही दिनमा आफ्नो उम्मेदवार टुङ्ग्याउने जनाएको छ । उम्मेदवारको टुङगो लगाउनका लागि नेकपा एमालेले हुम्लाको सर्केगाडमा बैठकका लागि विभिन्न नेताहरुको टोली विहिबार नै सर्केगाडमा जान लागेको बताइएको छ ।
यस्तै नेपाली कांग्रेस हुम्लाले पनि केही दिनमा आफ्नो उम्मेदवारको नाम टुङ्ग्याउने भएको बताइएको छ । त्यस्तै राप्रपाले आफ्नो उम्मेदवारको नाम जिल्लाबाट यसअघि नै केन्द्रमा सिफारिस गरि सकेको छ भने रास्वपाले पनि उपनिर्वाचनमा आफ्नो उम्मेदवारी दिने तयारी गरि रहेको छ ।
उपनिर्वाचनमा मुख्यगरि पाँच दलहरुले उम्मेदवारी दिने तयारी गरेको भएपनि नेपाली काँग्रेस, माओवादी केन्द्र र एमालेबिच नै प्रतिश्प्रर्धा हुने देखिएको छ ।
आगामी मंसीर १६ गते उपाध्यक्ष पदका सर्केगार्ड गाउँपालिकामा उपनिर्वाचन हुँदै छ । यसअघि २०७९ सालको स्थानीय तहको निर्वाचनमा नेपाली काँग्रेस र माओवादी केन्द्रको गठबन्धन हुँदा अध्यक्ष पदमा नेपाली काँगे्रसको उम्मेदवार ठानबहादुर रोकाया र उपाध्यक्ष पदमा माओवादी केन्द्रका चन्द्रसिंह कार्की निर्वाचित भएका थिए । उपाध्यक्ष कार्कीको यसअघि सुर्खेतबाट नेपालगंज जाने क्रममा सडक दुर्घटनमा परि मृत्यु भएको थियो । उहाँको मृत्युपछि सर्केगाड गाउँपालिकामा रिक्त रहेको उपाध्यक्ष पदका लागि उपनिर्वाचन हुन लागेको हो । जिल्ला स्थित विभिन्न राजनितिक दलहरुले उम्मेदवारको नाम टुंग्याएपछि चुनावी अभियान थाल्ने तयारी रहेको बताएका छन् ।
प्रतिनिधिसभामा हुम्लाबाट दुई दल र सौमतीको नाम सिफारिस
मंगलबार जिल्लाका सबै नेता तथा कार्यकर्ताहरुको भर्चुअल बैठक आयोजना गरेको एमालेले सहमती नजुटेपछि २०७९ सालको निर्वाचनमा प्रतिनिधिसभाको निर्वाचनमा एमालेबाट निर्वाचन लडेका दल रावल, प्रदेशसभा निर्वाचन १ बाट उम्मेरदवार... बिहीबार, पुस २४, २०८२
एमाले हुम्लाको अनलाइन बैठक सम्पन्न
अध्यक्ष वुमीका अनुसार पार्टी केन्द्रको सर्कुलर अनुशार यहि पुष २२ गते सम्म एक महिला र दुई पुरुष गरेर तिनजनाको नाम सिफारिस गर्न गरेको निर्देशन अनुसार आयोजना गरेको अनलाइन... बुधबार, पुस २३, २०८२
विद्यालय व्यवस्थापन समितिका अध्यक्षमा प्रदेश मन्त्री परियार चयन
सोमबार, मंसिर २२, २०८२
नेकपा एमाले हुम्लाको ११ औं महाधिवेशनको प्रतिनिधि छनौटको काम आजबाट सुरु
नेकपा एमाले हुम्लाकोे ११ औं महाधिवेशनको प्रतिनिधि छनौटको काम आजबाट सुरु भएको छ । मंसिर २७–२९ गतेमा काठमाडौंमा हुने पार्टीको ११ औँ राष्ट्रिय महाधिवेशनका लागि प्रतिनिधिहरू छनोट गर्न... बिहीबार, मंसिर ११, २०८२- प्रतिनिधिसभामा हुम्लाबाट दुई दल र सौमतीको नाम सिफारिस
- हुम्लाका सरकारी कार्यालयको सयुक्त रुपमा शुक्रबार सार्वजनिक सुनुवाई हुने
- मौषममा आएको पविर्तनले जाडो बढ्योः कार्यालयमा आगो ताप्दै नागकिलाई सेवा दिदै
- जिल्ला अस्पतालमा बिरामी आउनेको संख्या वृद्धि
- एमाले हुम्लाको अनलाइन बैठक सम्पन्न
- विष सेवन गरेकी महिलाको मृत्यृ
- आगलागीबाट सावधानी अपनाउन नेपाल प्रहरीको आग्रह
- हुम्लाको नाम्खामा ७० जना महिलाको भिआइए जाँच, ६ जनाको पोजेटिभ
- देवल आधारभुत विद्यालयका विद्यार्थीलाई जाडोको लागि न्यानो कपडा बितरण