प्रलोपा हुम्लाबाट प्रतिनिधि सभा निर्वाचनमा जटिल कार्कीको एकल उम्मेदवारी

सिमकोट

प्रगतिशिल लोकतान्त्रिक पार्टी (प्रलोपा) हुम्लाबाट आगामी फागुन २१ गते हुने प्रतिनिधि सभा सदस्य निर्वाचनका लागि  सर्केगाड गाउँपालिका वडा नम्बर ३ उनापानीका जटिल कार्कीले एकल उम्मेद्धारी दिनुभएका छन । सर्केगाड गाउँपालिका–३ उनापानी निवासी कार्कीले शुक्रबार एक भिडियो सार्वजनिक गर्दै उम्मेदवार घोषणा गर्नुभएको हो । २०८२ साल मंसिर ५ गते प्रगतिशिल लोकतान्त्रिक पार्टी (प्रलोपा) घोषणा गरेको थियो । कार्कीले आफु र आफ्नो परिवार पहिला देखि नै नेकपा माओवादी नै भएका कारण आफु विद्यार्थी जिवन देखि नै राजनितिक क्षेत्रमा लागेको बताउनु भएको छ ।
 हाल नेपाली कम्युनिस्ट पार्टीका संयोजक तथा पुर्वप्रधानमन्त्री पुष्पकमल दाहाल (प्रचण्ड) ले पार्टीमा जनताले चाहे जस्तो काम गर्न नसकेपछि प्रगतिशिल लोकतान्त्रिक पाटीमा लागेको बताउनु भएको छ । भदौ २३ र २४ गतेको जेनजी आन्दोलनले युवा पुस्ताको माग राजनितिक दलको पुनर गठन, पस्तान्त्रण, हस्तान्त्रणको कुरा थियो । प्रचण्डले पछिल्ला पुस्ता युवा पिढीको कुरालाई बेवास्ता गरी जुन भ्रटचारीमा होमिएका नेतालाई पाटीको जिम्मेवारी दिने काम गरेपछि आफुले यसको विरोध गर्दै प्रलोपा पार्टीको घोषण गरेको बताउनु भएको छ । 
आफ्नो व्यतिगत माग र सपना केही नभएपनि आफ्ना सहिद बुवा प्रेम बहादुर कार्कीले बोकेका सपना पुरा गर्ने लक्ष्यमा राजनितिकमा होमिएको भनाई कार्कीको रहेको छ । २०५२ साल देखि २०६२ सालसम्म चलेको जनयद्धका क्रममा २०५८ साल जेठ १६ गते बाँकेमा तत्कालिन सरकारले गिरफ्तार गरी हत्या गरेको थियो । बुवा पे्रमले यो देश र जनताका लागी भनी रगत बगाएका थिए । बुवाले बोकेका सपना आफुले पुरा गर्ने बाचा गर्नु भएको छ । प्रलोपाका केन्द्रीय सदस्य समेत रहेका कार्की तत्कालिन माओवादीको विद्यार्थी संगठन अखिल क्रान्तिकारीमा केन्द्रीय उपमहासचिव समेत थिए । जनार्दश शर्मा माओवादीबाट अलग भएसँगै कार्की पनि शर्मा पक्षमा लागेका हुन् ।