सिमकोट गाउँपालिका स्वास्थ्य शाखाको अर्धवार्षिक प्रगती समिक्षा गोष्ठी सम्पन

सिमकोट

सिमकोट गाउँपालिकाको स्वास्थ्य शाखाले आफ्नो अर्धवार्षिक प्रगती समिक्षा गोष्ठी सम्पन्न गरेको छ । गाउँपालिकाको पालिका स्तरीय अर्धवार्षिक प्रगति समिक्षा गोष्ठी सम्पन्न भएको हो । सिमकोट गाउँपालिकामा रहेका ४ वटा स्वास्थ्य चौकी, ५ वटा सामुदायिक स्वास्थ्य इकाइ र ३ वटा आभारभूत स्वास्थ्य इकाइ गरेर जम्मा १२ वटा स्वास्थ्य संस्थाले आफ्नो अर्धवार्षिक प्रगति समिक्षा विवरण प्रस्तुत गरेका थिए । 

फागुन ८ र ९ गते दुई दिनसम्म सञ्चालन भएको समिक्षा गोष्ठीमा कतिपय स्वास्थ्य संस्थाको कार्यतालिका नमिलेको पाइएको छ । कार्यतालिका नमिलेका स्वास्थ्य संस्थालाई सिमकोट गाउँपालिकाका स्वास्थ्य संयोजक नर बहादुर भण्डारीले सच्याउन सुझाब दिनुभएको थियो ।

रजिस्टेशनमा भएको विवरणलाई कार्यतालिकामा राख्न सुझाब दिनुभएको छ । प्रत्येक स्वास्थ्य चौकीका इन्चार्जले आफ्नो वडामा भएका गर्भवतीको संख्या, खोप लगाउने बालबालिकाको संख्या, स्वास प्रस्वासका बिरामी, निमोनिया भएका बालबालिकाको संख्याको विवरण प्रतुत गरेका थिए । 

सिमकोट गाउँपालिकामा रहेका स्वास्थ्य संस्था मध्ये सबै भन्दा उल्लेखनीय कार्य साँता सामुदायीक   स्वास्थ्य इकाइले गरेको सोही स्वास्थ्य संस्थाले आफ्नो प्रदिवेदन रिर्पोट प्रस्तुत गर्ने क्रममा देखिएको थियो । भने दोजाम सामुदायीक स्वास्थ्य इकाई र हिल्दुम सामुदायीक स्वास्थ्य इकाइले केही काममा सुधार गर्नु पर्ने देखिएको छ । 
स्यास्थ्य संस्थामा अरु सबै औषधीको मात्रा भएको र एउटै परियार नियोजनका साधानमा महिलाले प्रयाग गरिने तिन महिने सुई ( डिपो) पालिकाभरीका स्वास्थ्य संस्थामा नभएको स्वास्थ्यकर्मीले स्वीकार गरेका छन् ।