नसर्ने रोगको पहिचानका लागि एक महिने े स्क्रिनिङ्ग सम्वन्धि अभियान सुरु

सिमकोट

जिल्ला सदरमुकाम सिमकोट समेत रहेको सिमकोट गाउँपालिकाले आजबाट नसर्ने रोगको पहिचानका लागि एक महिने  स्क्रिनिङ्ग सम्वन्धि अभियान सुरु गरेको । उक्त अभियान सिमकोट गाउँपालिकाका आठ वटै वडामा सञ्चालन गर्ने भएको हो ।

नेपालमा मृत्यु र अपंगताको मुख्य कारणका रुपमा रहेको नसर्ने रोगको बढ्दो जोखिमलाई ध्यानमा राखि यहि फागुन महिना भरि उक्त अभियान सञ्चालन गर्ने भएको सिमकोट गाउँपालिका स्वास्थ्य शाखा संयोजक नर बहादुर भण्डारीले जानकारी दिनुभयो ।

सिमकोट स्वास्थ्य शाखा, स्वास्थ्य सेवा कार्यालय र आधार नेपाल हुम्लाको आयोजना तथा समन्वयमा गाउँ गाउँमा यो अभियान सञ्चालन गर्ने भएको संयोजक भण्डारीको भनाई छ ।

उहाँका अनुसार ३० वर्ष भन्दा माथिका जो सुकैले यो निशुल्क सेवा लिन पाउने भएका छन् । जसमा मधुमेह जाँच (रगतमा चिनिको मात्रा परिक्षण) रक्तचाप व्लड प्रेसर मापन, मृगौला सम्वन्धि रोगको जाँच, उचाइ र तौलका आधारमा विएमआई मापन गरिने भएको छ । 
आज सिमकोट गाउँपालिकाका अध्यक्ष विषय भण्डारीको स्वास्थ्य चेकजाँच गरि यो अभियानको उद्घाटन कार्यक्रम गरिएको थियो ।