भिरबाट लडेर मिमिकी डल्ली सख्त घाइते

असोज १४, सिमकोट ।  हुम्लाको चंखेली गाउँपालिका ३ मिमिकी डल्ली बुढा भिरबाट लडेर सख्त घाइते भएकी छन् ।

गाउँ नजिकैको विफ्याराकोट भन्ने वनमा घाँस काट्न गएको बेला भिर बाट लडेर उनी घाइते भएको स्थानीयवासीलाई उदृत गर्दे चंखेली गाउँपालिकाका अध्यक्ष धनलाल चौलागाईले जानकारी दिए ।

आइतबार (आज) बिहान घाँस काट्न गएका बेला भिरबाट ४ सय मिटर तलखेसी पछि उनको टाउँको र शरिरका अन्य भागमा गम्भीर प्रकारको चोट लागेको छ जिल्ला स्वास्थ्य कार्यालयका डा. टसी लामाले जानकारी दिए ।

भिरबाट लडेकी बुढाको स्थानीय स्वास्थ्य संस्थामा उपचार नहुने भएपछि केहीवेर अघी फिष्टेल एयरको हेलिकप्टरबाट जिल्ला अस्पताल सिमकोट ल्याइएको छ । आइतबार मध्यन्न १२ बजे जिल्ला अस्पाताल हुम्ला पु¥याइएकी बुढाको अहिले उपचार भैरहेको जिल्ला अस्पताल स्रोतले जनाएको छ ।

बिहान घरदेखि २० मिटरको दुरीमा भएको उक्त वनमा गाइवस्तुलाई घाँस काट्न गएको बताइएको छ ।