हिल्सा-सिमकोट सडकमा चीनिया चासोः प्रतिनिधि मण्डलद्धारा स्थलगत अवलोकन

सिमकोट । अर्थमन्त्री विष्णु पौडेलले राष्ट्रिय सडक सञ्जालमा भर्खर जोडिएको हुम्लाको सिमकोटदेखि चीनको सिमाना हिल्सासम्मको सडक दुई लेनको स्तरोन्नती गर्न आग्रह गरेको पाँच दिनमै चीनिया पक्षले सिमकोट हिल्सा सडकको स्थलगत अनुगमन गरेको छ ।

नाम्खा गाउँपालिकाले आयोजना गरेको सीमा जोडिएका स्थानीय तहबीचको समन्वय बैठकमा सहभागी हुन आएको चिनियाँ टोलीले सिमकोट-हिल्साको कडा चट्टान भएको क्षेत्र च्याछहराको स्थलगत अनुमगान गरेको हो । 

छिमेकी मुलुक चीनको पुलान काउण्ट्रीको ताक्लाकोटको प्रतिनिधिमण्डलले च्याछरामा निर्माणाधीन सडकको स्थलगत अवलोकन गरेको हो।

चिनियाँ प्रतिनिधिमण्डलले च्याछरामा निर्माण भइरहेको सडकको स्थलगत अवलोकन गरेको नाम्खा गाउँपालिकाका अध्यक्ष प्रेमबहादुर लामाले बताए।

हाल सो खण्डको सडक स्तरोन्नति गर्न चट्टान विष्फोट गर्ने कार्य भइरहेको छ। चिनियाँ टोलीले निर्माण कार्यबारे जानकारी लिएको थियो।

अध्यक्ष लामाले सिमकोट–हिल्सा सडक निर्माणबारे जानकारी गराउनका लागि टोलीलाई च्याछरामा लिएको बताउँदै विकास निर्माणको अवस्था पनि जानकारी टोलीलाई गरिएको बताए।

त्यसैगरी टोली वडा नम्बर २ को वडा कार्यालय, सल्लीको निर्माण सम्पन्न भएको पक्की पुलको पनि अवलोकन गरेको थियो।

चिनियाँ प्रतिनिधिमण्डलको नेतृत्व स्थानीय प्रशासनका प्रमुख डुनजुले गरेका थिए। जसमा सुरक्षा, भन्सार, अध्यागमनका प्रमुखहरुको सहभागिता थियो।

सो अवलोकन कार्यक्रममा प्रमुख जिल्ला अधिकारी विनोदकुमार पोखरेल, चार वटा सुरक्षा निकायका प्रमुख, उपाध्यक्ष तकदिर लामा, निमित्त प्रशासकीय अधिकृत मोहनबहादुर शाही, वडाध्यक्षको सहभागिता थियो।

पहिलो पटक चिनियाँ प्रतिनिधि नाम्खा गाउँपालिकामा आएर समन्वय बैठक सम्पन्न भएको हो।

नेपाल सरकारले औपचारिक रुपमा सिमकोट हिल्सा सडकलाई स्तरोन्नती गरी दुई लेनको बनाउन औपचारिक अनेरोध गरे अनुसरा केन्द्रीय सरकारको निर्देशनमा चीनको प्रतिनिधिमण्डलले सोमबार सडकको अवस्थाका बारेमा अवलोकन गरेको हो । 

'सडकको अवस्था के छ ? कुन स्थानमा कडा चट्टान छ भन्ने प्रारम्भीक जानकारी लिनका लागि टोलीलिे अनुगमन गरेको हो', टोलीमा संलग्न एक अधिकारीले भने, 'नेपाल (हुम्ला)को विकासका लागि सँधै तत्पर रहेको चीनले नेपाल सरकारका अनुरोधलाई सकरात्मक रुपमा लिएको छ । याद अब परामर्श गरेर काम थाल्नतर्फ लाग्छ होला ।' 

टोलीमा हुम्लाका प्रमुख जिल्ला अधिकारीको नेतृत्वमा सुरक्षा प्रमुख, नाम्खा गाउँपालिकाका अध्यक्ष, उपाध्यक्षलगायत केहि सञ्चारकर्मीहरुको समेत उपस्थिती रहेको छ । भने चीनका तर्फबाट पुरांग काउण्ट्रीका प्रमुखसहितको टोली छ । 

गएको बिहिबार अर्थमन्त्रालयमा अर्थमन्त्री पौडेलको उपस्थितीमा नेपाल सरकारको तर्फबाट अर्थ सचिव डा. घिमिरेले र चीनको तर्फबाट चीन अन्तर्राष्ट्रिय विकास सहयोग निकायका उपाध्यक्ष याङ वेइहुनले बिहीबार अर्थमन्त्रालयमा हस्ताक्षर भएको थियो ।