नयाँ प्रविधिसँगै विकास भइरहेको छ: सांसद लामा

सिमकोट । गृह जिल्ला पुग्नुभएका प्रतिनिधि सभा सांसद छिरिङ डम्डोल लामा (कार्चेन)ले नयाँ नयाँ प्रविधिसँग जोडेर पछिल्लो समय विस्तारै विस्तारै हिमाली जिल्ला हुम्लामा पनि विकास हुँदै गइरहेको बताउनुभयो । 
    प्रधानमन्त्री कृषि आधुनिकिकरण परियोजना, परियोजना कार्यान्वय एकाई हुम्लाले आइतबार सरोकार निकायहरु सँग गरेको अन्तरक्रिया कार्यक्रम उहाँले यस्तो बताउनुभएको हो । विकासको प्रमुख कारण भनेको सडक भएकाले यसलाई उच्च प्राथामिकता दिएर आफुहरु लागि परेको सांसद लामाले बताउनुभयो । 

    सांसद लामाले भन्नुभयो, “स्याउको ग्रेडिङ देखि बजारमा पुग्दा उपभोक्ता आकर्शित गर्न सक्ने गरी हुम्लाका किसानले स्याउ बजारीकरणमा ध्यान दिनुपर्छ । स्याउको गुणस्तर देखि सबै कुरामा ध्यान दिएर यहाँका कृषकले क्षमता विकासमा बढी जोड दिनुपर्छ ।” जुम्लाको भन्दा हुम्लाको स्याउको माग बढ्नुका साथै मिठो र राम्रो भएको सन्देश पाउँदा खुसि भएको सांसद लामाले बताउनुभयो । आफुले सक्दो हुम्लामा उत्पादीत स्याउ बजारीकरण र बजारका लागि संसदमा थप आवाज उठाउने बताउनुभयो । 

    आइतबार भएको कार्यक्रममा बोल्दै सिमकोट गाउँपालिका अध्यक्ष विजय भण्डारी (प्रतिरोध)ले विगतमा हुम्लामा स्याउका एक दुई बोट देखिने र स्याउ खान मुस्किल हुने गरेपनि पछिल्ला केही वर्षयता यहाँका उत्पादीत स्याउ फर्महरु धेरै हुँदा खुसि भएको बताउनुभयो । अहिले हुम्लामा अधिकांसका घरमा स्याउका फर्म र स्याउ बगैचा हुनु राम्रो भएपनि जिलला बाहिर बजारसम्म निका लागि थप समस्या रहेको अध्यक्ष भण्डारीले बताउनुभयो । राज्यको निति अनुसार उत्पादीत बस्तु बजारीकरणका लागि कृषक सक्षमका साथै लागि पर्नुपर्ने उहाँले बताउनुभयो । 

    यसैगरी जिल्ला समन्वय समितिका प्रमुख शिवराज शर्माले मुख्य त जिल्लामा स्याउ उत्पादन राम्रो भएपनि बजारीकरणका लागि ढुवानीको समस्या भएको बताउनुभयो । जिल्ला बाहिर ढुवानी गर्नका लागि पैदल मार्गबाट गाडीबाट स्याउ ढुवानी गर्न सम्भब नहुँदा हवाई मार्ग मार्फत ढुवानीका लागि जिल्लाका निर्वाचीत प्रदेश र संघिय सांसदले विशेष पहल गर्नुपर्ने बताुनयभो । 

   कार्यक्रममा सहभागी किसानले ढुवानीको प्रमुख समस्या हुँदा आफुले उत्पादन गरेका स्याउ त्यतिकै खेर जाने गरेको गुनासो समेत गरेका छन् । गर्त वर्षपनि लाखौंका स्याउ जिल्ला बाहिर पठाउनका लागि विमानस्थलसम्म पुगेपनि त्यहि कुहिएर खेर गएको सिमकोट गाउँपालिका–२ किसान गोरासिंह बोहराले बताउनुभयो । स्याउ खेर नजानका लागि भण्डारणको व्यवस्था गर्नु पर्ने किसानको माग थियो । 

    जिल्लामा २०७७ सालदेखि लागु भएको यो कार्यालयले त्यस यतादेखि आफुले गरेका कामको प्रगतिको विवरण प्रस्तुत भएको थियो । यस कार्यालयले जोन र सुपरजोनमा क्षेत्रमा गर्दै आएको छ । भने जिल्लामा स्याउ जोन र भेडाबाख्रा जोन क्षेत्रमा काम गर्दै आएको प्रधानमन्त्री कृषि आधुनिकिकरण परियोजना, परियोजना कार्यान्वयन एकाईका निमित्त कार्यालय प्रमुख लक्ष्मि अधिकारीले बताउनुभयो । हालसम्म दुई सय दश हेक्टरमा सिचाईको सुविधा सिकानलाई दिएको उहाँले बताउनुभयो । सर्केगाड गाउँपालिकाका किसानलाई उन्नत जातका बोका र बीउको लागि माउ बाख्रा स्याउका कलमी विरुवा रोपण गरि घेरबारमा अनुदानका कार्यक्रम गर्दै आएको छ । एक हजार ६ सय ६८ जना कृषक यो कार्यालयबाट लाभान्वित रहेका छन् । यो कार्यालयले यो वर्षपनि विभिन्न कार्यक्रम गर्दै आएको बताइएको छ । साथै आइतबार विशेष गरी हुम्लामा उत्पादीत स्याउ ओखर जिल्ला बाहिर ढुवानी कसरी गर्न सकिन्छ भन्ने विषयमा छलफल भएको थियो । 

  यस्तै आइतबार भएको अन्तरक्रिया कार्यक्रममा नाम्खा गाउँपालिका अध्यक्ष प्रेम बहादुर लामा, जिल्ला समन्वय समितिका उपप्रमुख दलु फडेरा (सन्जय), विभिन्न वडाका वडाध्यक्ष लगायत विभिन्न अगुवा कृषकको उपस्थित रहेको जानकारी प्राप्त भएको छ ।