हुम्ला कर्णालीका अन्य जिल्लाभन्दा  विकासले  निकै पछिपर्यो : पूर्व मुख्यमन्त्री शाही

सिमकोट । कर्णाली प्रदेशका पूर्व मुख्यमन्त्री तथा नेपाली कांग्रेस संसदीय दलका नेता जीवन बहादुर शाहीले आफुलाई सिलान्यास र उद्घाटन जस्ता कार्यक्रमको त्यति चासो नहुने बताउनुभएको छ । पूर्व मुख्यमन्त्री शाहीले भन्नुभयो, ुम हुम्ली हुँ, हुम्लाकै भाइ छोरा भएको हुनाले यहाँको विकास चाहन्छु । यहाँका ठेकेदारले काम लिनुहोस्, काम लिएपछि विकास गर्नुहोस् त्यसमा सहयोग गर्न तयार छु । हुम्ली जनताले सेवा र सुविधा सहज रुपमा प्राप्त गर्न पाउनु पर्छ भन्ने आफ्नो चाहना भएको शाहीको भनाई थियो ।

पूर्व मुख्यमन्त्री शाहीले चंखेली गाउँपालिका-२ र ४ वडालाई जोड्ने लोती कर्णाली नदी माथिको अस्थायी बेलिवृज पुल उद्घाटनमा उक्त कुरा बताउनुभएको हो । चंखेलीबासीका यि दुई वडाले वारपार गर्दा तुइन तर्नु पर्ने अवस्था थियो । तुइनको अन्त्य गर्नका लागि आफ्नो सरकार हुँदा अस्थायी बेलिवृज निर्माणका लागि बजेट विनियोजन गरेको शाहीको भनाई थियो । बेलिवृज निर्माणका चंखेली गाउँपालिका अध्यक्ष प्यारीलाल शाही र पूर्वधार विकास कार्यालयका प्रमुख नरेश जैसी पनि हुम्लीकै छोरा भएको हुनाले उनीहरुको यस निर्माण र पहलमा निकै ठूलो भूमिका समेत रहेको भन्दै प्रसंशा समेत गर्नुभएको थियो । त्यस्तै कङग्री कन्ट्रक्सनले ठेक्का प्रक्रियाबाट छोटो समयमा नै बेलिवृज पुल निर्माण गर्दा शाहीले ठेकेदार कम्पनीलाई धन्यवाद समेत दिनुभएको थियो ।

हुम्लाकै अधिकांस ठेकेदारले पुल निर्माणलगायतका विकास निर्माणका जिम्मा लिएका छन् तर उनीहरुले समयमै काम सम्पन्न गर्न नसकेकोमा दुःख व्यक्त गर्नुभयो । उहाँले भन्नुभयो, ुजिम्मा लिएको काम छिटो सकाउन भन्दा उनिहरु रिसाउने गर्छन् । हामीले बाध्यताले एउटा दल वा पार्टीको प्रतिनिधित्व गर्ने भएपनि हुम्लाको विकासका लागि एक ठाउँमा उभिनु पर्छ ।

बाध्यताले एक पार्टी अंगाले पनि हुम्लीको छोरा बन्न चाहेको शाहीको भनाई थियो । उहाँले भन्नुभयो, ुहामी विकासमा पछि परेका छौँ । पछि परेको विकासलाई गति दिन चाहन्छु । चंखेलीको लोती खोलामा निर्माण भएको बेलिवृज पुल अस्थायी हो, हामीले पक्की पुल निर्माणका लागि लाग्नु पर्छ । त्यसका लागि आफुले जरुर प्रयास गर्ने प्रतिवद्धता गर्दछु ।

हुम्लामा विद्युत, टेलिफोन र बाटोघाटोका काममा प्रथामिकता दिनका लागि पर्ने उहाँले बताउनुभयो । जनताको दुःख नै आफ्नो दुःख हो, जनताको सुख नै आफ्नो सुख भएको हुँदा जनताको सुखका लागि लाग्ने उहाँको भनाई छ । आफु जनताको सेवक भएकोले यो काम गर भनेर जनताले भनेमा आफुले सो काम गर्न अझै लागि पर्ने शाहीले बताउनुभयो ।

उहाँले भन्नुभयो, ुपछिल्लो १५ वर्षको विकास तुलनामा हेर्ने हो भने हुम्लामा थुप्रै विकासका काम भएका छन् । छिमेकी जिल्ला मुगु, जुम्ला हाम्रो भन्दा धेरै अगाडी विकास भएका हुन् । तर हामी कसैलाई दोष नदिएर भन्ने हो भने हुम्लाको विकासका लागि खासै कसैको चासो गएको देखिएन् । छोटो समय दश, पन्ध्र वर्षको समयमा सडकले चीनसँगको हिल्सा जोडिएको छ । जिल्लाका विभिन्न स्थानीय तहका वस्तिहरुमा सडकले छोएका छन् । सडक पुगेका छन् ।