नेकपा एमाले सर्केगाड गाउँ कमिटीको नियमीत बैठक सम्पन्न

सिमकोट । नेकपा एमाले सर्केगाड गाउँपालिका कमिटीको आयोजनामा नियमीत बैठक सम्पन्न भएको छ ।

गाउँपालिका कमिटी अध्यक्ष गोकुल रावलको अध्यक्षतामा र जिल्ला कमिटी उपाध्यक्ष प्रकाश बहादुर शाहीको प्रमुख आथित्यमा एमाले सर्केगाड गाउँपालिका कमिटी बैठक सम्पन्न भएको जानकारी प्राप्त भएको छ । सर्केगाड बजारमा पालिकास्तरीय नेता कार्यकर्ताको ठूलो उपस्थितमा बैठक सम्पन्न भएको हो ।

बुधबार भएको एमाले सर्केगाड गाउँ कमिटीले विभिन्न विषयवस्तुमा रहेर छलफल गरी बैठक सम्पन्न भएको गाउँ कमिटी उपसचिव चन्द्रविर बुढाले बताउनुभयो । बुधबार सर्केगाड बजारमा भएको बैठकले पार्टी सदस्यता नविकरण, नियमीत बैठकमा हुने छलफलका अन्य विषयवस्तु र भातृ संगठन गठन गरिएको उपसचिव बुढाले जानकारी दिनुभयो ।

यस्तै आजै भएको बैठकले सर्केगाड गाउँपालिकामा मनिसिंह विकको अध्यक्षतामा ११ सदस्यीय उत्पिडन जातिय मुक्ति समाज गठन गरिएको जानकारी प्रप्त भएको छ । एमाले सर्केगाड गाउँ कमिटीले आगामी दिनहरुमा अझै कसरी अगाडी बढ्न सकिन्छ र संगठनलाई अझै बलियो कसरी बनाउन सकिन्छ भन्ने विषयमा समेत छलफल भएको थियो ।