प्रचण्ड माधव समुहले संविधान सहित विरोधपत्र जिल्ला प्रशासनमा बुझाए

पुष्पकमल दाहाल र माधवकुमार नेपाल नेतृत्वको नेकपाले प्रतिनिधिसभा विघटनको विरोधमा हुम्ला सहित ७७ वटै जिल्लाका प्रमुख जिल्ला अधिकारीमार्फत प्रधानमन्त्रीलाई विरोधपत्र बुझाएको छ ।

प्रतिनिधिसभा विघटनविरुद्ध दोस्रो चरणको आन्दोलनअन्तर्गत शुक्रबार यो समूहले हुम्लाका प्रमुख जिल्ला अधिकारी चिरन्जीवि गिरी मार्फत प्रधानमन्त्री केपी शर्मा ओलीलाई विरोधपत्र र संविधानको पुस्तक बुझाएका हुन् । विरोधपत्रमा प्रधानमन्त्रीले राष्ट्रका नाममा क्षमायाचना सहित गलत कदम सच्चाउन अनुरोध गरेका छन् ।

पुस २४ गते प्रधानमन्त्रीको असंवैधानिक र अलोकतान्त्रिक कदमका विरूद्व गैरसंवैधानिक रूपमा पुस ५ गते संसद् विघटन गरिएको भन्दै उक्त कदम फिर्ता गर्न प्रचण्ड नेकपा समूहले प्रमुख जिल्ला अधिकारी मार्फत संविधानको प्रति पठाइएको हो ।

नेकपाको प्रचण्ड–नेपाल समूहले प्रधानमन्त्री केपी ओली र राष्ट्रपति विद्यादेवी भणडारीको विरूद्व नारासिहत प्रमुख जिल्ला अधिकारी गिरिलाई बुझाएको नेकपा हुम्लाका कार्यबाहक अध्यक्ष तिर्थराज रोकायाले जानकारी दिनुभयो । माघ २ गते हुम्लाका सातै गाँउपालिका विरोध सभाको कार्यक्रम तालिका रहेको रोकायाले बताउनुभयो ।

प्रधानमन्त्री ओलीले संसद् विघटन गरेपछि दाहाल–नेपाल नेतृत्वको नेकपाले त्यसको विरोधमा पहिलो चरणको आन्दोलन सकेर दोस्रो चरणको आन्दोलन घोषणा गरेको छ ।