प्रचण्ड नेपाल समुहको सातवटै पालिकामा अगुवा कार्यकर्ता भेला तथा प्रशिक्षण कार्यक्रम सम्पन्न

नेपाल कम्युनिष्ट पार्टी नेपकाका प्रचण्ड नेपाल समुहले जिल्ला सदरमुकाम सिमकोट सहित सातवटै गाउँपालिकामा अगुवा कार्यकर्ता भेला तथा प्रशिक्षण कार्यक्रम सम्पन्न गरेको छ । संसारका मजदुर एक हौँ, भन्ने नाराका साथ असंबैधानिक संसद विघटन विरुद्ध अगुवा कार्यकर्ता भेला तथा प्रशिक्षण कार्यक्रम तल्लो बजारमा रहेको जिल्ला समन्वय समितीको सभाहलमा सम्पन्न भएको हो ।

नेकपा प्रचण्ड नेपाल समुहका सिमकोट गाउँपालिका संयोजक ताक्ला जिम्मेत लामाको अध्यक्षतामा र केन्द्रिय सदस्य तथा जिल्ला इन्चार्ज विजय भण्डारीको प्रमुख आथित्यमा अगुवा कार्यकर्ता भेटघाट तथा प्रशिक्षण कार्यक्रम सम्पन्न भएको छ । आजै भएको कार्यक्रममा छिरिङ डन्डोल लामा (कार्चेन) छिमि लामा (आसाकार) लगायतका नेता तथा कार्यकर्ताको उस्थित रहेको थियो ।

आज भएको कार्यक्रममा बोल्दै नेकपा कर्णाली प्रदेशका प्रदेश कमिटी सदस्य लोक बहादुर हमालले प्रधानमन्त्री केपी शर्मा ओली एकतन्त्रीय शासनको हैकम जमाएको र पार्टीको विभि र विधानअनुरुप काम नगरेपछि आफुहरु प्रधानमन्त्री केपी शर्मा ओली विरुद्ध एकताबद्ध भएर अघि बढेको बताउनुभयो ।

यस्तै नेकपाका प्रदेश समन्वय समितीका सचिव तिर्थराज रोकायले कसैको इच्छा र चाहनाले नभएर पुर्व माओवादी र पुर्व एमालेका नेताहरु मिलेर दुई पार्टी भएर संसारको इतिहाइकै विशाल पार्टी भएपनि तीन वर्ष पुग्न नपाउँदै फुट्नु दुभाग्र्य भएको बताउनुभयो ।

जनतालाई पाँच वर्ष होइन पचास वर्ष सम्म कम्युनिष्ट सकार कायम रहने आश्वासन दिएपनि प्रधानमन्त्री ओलीले मलामी बनाएको बताउनुभयो । पार्टी र जनमर्म विपरीत प्रधानमन्त्री ओली पुस ५ गते संसद विघटन गरेको बताउनुभयो ।

प्रचण्ड नेपाल समुहले जिल्लाको सदरमुका सिमकोट सहित अन्य गाउँपालिकामा अगुवा कार्यकर्ता भेटघाट तथा प्रशिक्षण गरेको छ । प्रधानमन्त्री केपी शर्मा ओलीले पुस पाँच गते गरेको संसद विघटन असंबैधानिक भएको भन्दै विरोध हुँदै आएको छ ।