हुम्लामा तीन वर्षपछि कार्यकर्ताले राखे एमालेको बोर्ड

हुम्लाको सदरमुकाम सिमकोटमा तीन वर्ष पछि नेपाल कम्युनिष्ट पार्टी (एमाले) लेखिएको बोर्ड राखिएको छ । जिल्लामा उपलब्ध नेकपा एमालेका नेता तथा कार्यकर्ताको उपस्थितमा मङ्गलबार एक कार्यक्रमका विच पार्टी कार्यालयको पुनस्थापनासँगै बोर्ड राखिएको छ ।

सचिवालय सदस्य तथा जिल्ला कमिटीका सदस्य नर बहादुर रोकायाको सभापत्तिवमा र नेकपा एमालेका पुर्व जिल्ला कमिटी सदस्य डबल रावतको प्रमुख आथित्तमा पार्टी कार्यालयको पुनस्थापना गरीएको हो ।

सर्वोच्च अदालतको फैसलापछि नेकपा एमाले र नेकपा माओवादी केन्द्र ब्युँतिएपछि नेकपा एमाले जिल्ला कमिटी हुम्लाको कार्यालय पुनस्थपना गरीएको सचिवालय सदस्य बुध भण्डारीले जानकारी दिनुभयो ।

आजै भएको पार्टी पुनस्थपना कार्यक्रममा एमालेका पुर्व तथा अहिलेका जिल्ला कमिटी सदस्य सहित कार्यकर्ताको बाक्लो उपस्थित रहेको थियो । आजै भएको नेकपा एमालेको कार्यक्रममा छक्क रोकाया, गोकुल बुढा, जानकला भण्डारी, याङजु रोकाया, प्रकास सुनार लगायतका नेताहरुको उपस्थित रहेको भण्डारीले बताउनुभयो ।

सर्वोच्चको आइतबारको फैसलापछि पूर्व एमालेमा रहेका जिल्लाका नेता तथा कार्यकर्तालाई पुनः एमालेकै पार्टीमा फिर्ता भएर सँगै सहकार्य गरेर अगाडी बड्न कार्यक्रमका सभापति रहेका नर बहादुर रोकायाले आग्रह गर्नुभयो ।