ताजा तरकारी सिमकोट पुग्न थाल्यो

सिमकोट । हिमाली जिल्ला हुम्लाको सदरमुकाम सिमकोटमा आसपासका गाउँबाट ताजा तरकारी दैनिक पुग्न थालेको छ । गाउँघरमा उत्पादित तरकारी सदरमुकाम पुग्न थालेको हो । खार्पुनाथ गाउँपालिका–४ छिप्रा, माजा, नल्ना गाउँका किसानले आफ्नो खेतवारीमा उत्पादन गरेको काउली, बन्दा, फर्सि, टमाटर, गोलभेडा, आलु, प्याज सदरमुकाममा ल्याएर विक्री गर्दा राम्रो बजार पाउने गरेको छ । 

    ठेहे, लाङ्दु, याङचु, मजा, छिप्रा नल्लालगायत गाउँबाट दैनिक ताजा तरकारी आउनुका साथै खपत पनि राम्रो हुने गरेको खार्पुनाथ गाउँपालिका–४ छिप्रा गाउँका किसान बाँचु उपाध्ययले बताउनुभयो । किसान उपाध्ययले भन्नुभयो, यो वर्ष समयमै पानी नपर्दा सरदुमकाम सिमकोटमा गाउँबाट तरकारी ढिला ल्यायौं । गत वर्ष यसअघि नै पुग्ने गरेपनि पानी समयमै नपर्दा ढिला उत्पादन भएका कारण ढिला विक्रीका लागि पुर्याउन परेको हो । 

   सबैभन्दा बढी छिप्रा गाउँका किसानले दैनिक दिन सिमकोटमा तरकारी विक्रीका लागि ल्याउने गरेका छन् । अधिकांस किसानले पिठ्युमा बोकेर ल्याउछन भने अधिकांस किसानले गाडीमार्फत गाउँको ताजा तरकारी सदरमुकाम सिमकोटमा ल्याउने गरेका छन् । अहिले सदरमुकाम सिमकोटमा रु असी देखि एक सय पचाससम्म प्रतिकेजी तरकारी अनुसारको मूल्यमा विक्री हुने गरेको किसान उपाध्ययले बताउनुभयो । 
   खार्पुनाथ गाउँपालिका–४ स्थित नल्ला र छिप्रा गाउँमा उत्पादित काउली बन्दा,आलु, प्याज, गोलभेडाले छिमेकी गाउँपालिका सहित सदरमुकाम सिमकोटमा राम्रो पनि बजार पाएको उहाँले बताउनुभयो । छिप्रा गाउँमा अहिले प्राय जसो बसैका घरमा ग्रिनहाउस (प्लाष्टिक) घर निर्माण गरेर तरकारी उत्पादन गरिरहेका छन् । पछिल्ला केही वर्षयता जिल्लामा राम्रोसँग पानी नपर्दा जलवायुको असर सँगै यहाँका किसानले खेतीपाती नै परिवर्तन गर्न थालेका छन् । तरकारी खेतीबाट राम्रो आम्दानी हुने भएकाले उनिहरु यो पेशामा आकर्षित हुन थाले काछन् । 

   अधिकांस किसानका घरघरमै टनेल हुनुका साथै केही दिनयता लगातार पानी परेका कारण तरकारी खेती सुरु गरि उत्पादन भएको तरकारी सिमकोट पुग्न थालेको हो । यसको उत्पादन बढेर छिमेकी गाउँपालिकामा पनि बिक्री गरी आम्दानी बढाउन यहाँका किसान सफल भएका हुन् । बिहानै सदरमुकाम सिमकोटमा काउली बन्दा, खुर्सानी र गोलभेडा बिक्री गर्न छिप्रा, नल्ला लगायतका गाउँबाट दैनिक दिन सिमकोट पुग्ने गरेका छन् । भने सिमकोटमा राम्रो बजार पनि पाउने गरेको छ । गाउँमै उत्पादीत ताजा तरकारी सिमकोट पुगेर सुपथ मुल्यमा पाउने भएकाले अहिले नेपालगञ्ज र सुर्खेतबाट हवाईमार्ग भइ आउने तरकारीको भर पर्नुपर्ने बाध्यता टरेको छ ।