पहिरोले खार्पु मुसेडी सडक पुनः अवरुद्ध

सिमकोट । कर्णाली कोरिडोर अन्तर्गत हुम्लाको खार्पु सडक खण्ड पुन अवरुद्ध भएको छ । हुम्लामा विहिबार विहानदेखि निरन्तर वर्षा हुँदा माथिबाट पहिरो आएर रातीदेखि खार्पुको मुसेडी सडक खण्ड अवरुद्ध भएको जिल्ला प्रहरी कार्यालय हुम्लाका सूचना अधिकारी तथा प्रहरी निरीक्षक नरेन्द्र चन्दले बताउनुभयो । 

   अविरल वर्षाले कर्णाली कोरिडोरको उक्त सडक अवरुद्ध हुँदा सवारी साधन सञ्चालनमा आउन नसकेको प्रहरी निरीक्षक चन्दले बताउनुभयो । खार्पुनाथ गाउँपालिका– १ मा पर्ने मुसेडी सडकमा माथिबाट हिरो खस्दा आवातजावतमा कठिनाइ भएको उहाँले बताउनुभयो । शुक्रबार पनि जिललामा निरन्तर वर्षा भइरहेकोले अवरुद्ध सडक तत्काल खुलाउन नसकिने अवस्था रहेको चन्दले बताउनुभयो । 

   सडक अवरुद्ध हुँदा सिमकोट हुँदै दक्षिण भेग ताँजकोट, सर्केगाड, अदानचुली, चंखेली जाने नागरीकलाई थप समस्या बनाएका छ । भने काम विशेषले सदरमुकाम पुग्ने नागरीकलाई पनि आवतजावतमा समस्या बनाएको जिल्ला प्रहरी कार्यालय हुम्लाले जनाएको छ । कोरिडोर अवरुद्ध हुँदा मालबाहक सवारी साधन सञ्चालनमा ठप्प रहेका छन् । 

   निरन्तर वर्षा भइरहेपनि शुक्रबार विहानसम्म जिल्लामा कुनै घट्ना नघटेको बताइएको छ । अहिलेसम्म सबै क्षेत्रमा राम्रो रहेको उहाँले बताउनुभयो ।

   यस्तै जिल्ला बाहिर छोटो दुरीको एक मात्रै हवाई सेवा खराब मौसमसँगै निरन्तरको वर्षाले अवरुद्ध भएको छ । नेपालगञ्जदेखि पहिलो आफ्नो उडान भर्दै आएका निजी एयर सीता, तारा र समिट एयरले अविरल वर्षा हुँदा आफ्नो नियमीत उडान भर्नन नसकेको बताइएको छ । हवाई सेवा अवरुद्ध हुँदा दैनिक उपभोग्य वस्तु सहित निर्माण सामग्री र खाद्यन्न ढुवानी हुन नसकेको बताइएको छ ।

  जिल्लामा निरन्तर वर्षा भइरहेकाले कर्णाली नदी छेउछाउका वस्तिलाई जोगिए बस्न र आवतजावतमा पनि सचेत हुन प्रमुख जिल्ला अधिकारी विनोद कुमार पोखरेलले बताउनुभयो ।