खार्पुनाथ गाउँपालिकामा सात सय बढी बालवालिकालाई लगाईयो दादुरा रुवेला खोप

७ सय ६७ जना बालबालीकालाई दादुरा रुवेला खोप
जिल्लाका सातवटै गाउँपालिकामा यतिबेला दादुरा रुवेला विरुद्धको खोप संचालन भइरहेको छ । जिल्लाका ७ वटा गाउँ पालिका मध्य खार्पुनाथ गाउँपालिकामा दादुरा रुवेला विरुद्धको खोप लगाउने कार्य सम्पन्न भएको छ ।

जेठ २५ गते बाट सुरु गरीएको दादुरा तथा रुवेला खोप ४ दिन लगाएर सम्पन्न भएको छ । खार्पुनाथ गाउँपालिका भित्रका १६ खोप केन्द्रबाट ७ सय ६७ जना बालबालीकालाई उक्त खोप लगाइएको पालिका स्वास्थय संयोजक बलिराज शाहीले बताए ।

खार्पुनाथ गाउँपालिकाको पाँच वटा वडा मध्ये वडा नं.१ का १ सय ९० जना, वडा नं. २ र ३ का २ सय ६३, वडा नं ४ का १ सय २० र वडा नं ५ का १ सय ९४ जना गरी ७ सय ६७ जना बालबालीका लाई दादुरा रुवेला खोप लगाएको संयोजक शाहीले बताए ।

९ महिना देखि ५ वर्ष मुनीका बालबालिकालाई सो खोप लगाइएको हो । यस अघि चैत महिनामा लगाइने भनियको यो खोप विश्वभर महाकारीका रुपमा फैलिएको कोरोना भाइरसले देश नै बन्दा वन्दीमा परेपछि २ महिना पछि जेठ महिनाको २५ गते देखि २८ गते सम्म सन्चालन भएको हो ।